Pages

slokez Apple, slokez Google, slokez Microsoft, slokez Bing, slokez alexa

Monday, October 31, 2011

ரெண்டு இட்லி.. ஒரு வடை..

இந்த சொல்வடை  பொது மக்களிடையே ஒரு குறிப்பிட்ட குழுவினரை கிண்டல் செய்ய மிகப் பிரபலம். இது யாரைக் குறிக்கும் என்றால் ஜூனியர் ஆர்டிஸ்ட் எனப்படும் துணை நடிகர்களை குறிக்கும். பொதுமக்களிடையே புழங்கும் இந்த மாதிரியான கிண்டல் எப்படி வந்தது என்று பார்க்கும் போது அவர்கள் சொல்லும் காரணம்.  படு கற்பனையான விஷயம். காலையில் டிபனுக்கு ரெண்டு இட்லி, ஒரு வடை சாப்பிட்டு விட்டு கும்பலில் நின்றுவிட்டு போய்விடுபவர்கள் என்று கிண்டலாய் சொல்கிறார்கள்.


ஆனால் இவர்களின் பங்களிப்பு இல்லாமல் ஒரு சினிமா முழுமையாகாது என்பது சினிமாவில் இருப்பவர்களுக்குத்தான் தெரியும். ஒரு பஞ்சாயத்துக் காட்சி என்று வைத்துக் கொள்ளுங்கள் அதில் சுமார் நூறு பேர் சுற்றி நின்று கொண்டு அங்கு நடக்கும் நிகழ்வுகளுக்கு ஏற்றபடி ரியாக்‌ஷன்கள் கொடுத்துக் கொண்டோ, அல்லது கூச்சல் குழப்பம் செய்ய வேண்டுமென்றால் அவர்களில் சிறந்த கரெக்ட் டைமிங் சென்ஸுடனான நடிப்பு இல்லையென்றால் அந்த காட்சியே கேவலமாகிவிடும் ஒரு சினிமாவில் ஒரு முக்கிய காட்சியில், கூட்ட நெரிசலில் அவன்  ஒருவன் மட்டுமே தனிமையாக தெரிய வேண்டுமென்றால், கேமரா அவனை  நோக்கி வைத்திருந்தாலும் அவன் வெறுமையாய் நின்றிருக்க, மற்றவர்கள் எல்லோரும் தம்தம் வேலைகளை பார்த்துக் கொண்டிருக்க வேண்டும். இமமாதிரியான காட்சிகளில் நடு நாயகமாய் இருக்கும் நடிகனின் மனநிலையை விட பின்னணியில் நடிக்கும் நடிகர்கள் கேமரா பார்க்காமல் நடிக்க, சரியான டைமிங்கில் நடந்து பாஸ் செய்ய, என்று நடிக்க வேண்டும். இவர்கள் சொதப்பினால் மொத்த காட்சியின் இம்பாக்ட் இல்லாமல் போய் மறுபடி, மறுபடி ரீடேக் எடுக்க வேண்டியதாகிவிடும். சினிமாவில் உதவி இயக்குனர்களில் ஒருவர் ஆக்‌ஷன் கண்டின்யூட்டி பார்ப்பதற்காக ஒருவர் இருப்பார். அவரின் வேலை என்னவென்றால், கதாநாயகன், நாயகி, கையில் என்ன வைத்திருந்தார்கள். மாஸ்டர் ஷாட்டில் எங்கிருந்து உள்நுழைந்தார்கள், எங்கே வெளியே சென்றார்கள். வெளியே செல்லும் போது அவர்கள்  கையில் இருக்கும் பொருட்கள் எந்த பக்கம் இருந்தது, என்பது போன்ற விஷயங்களை பேடில் படங்களாய் வரைந்து கொள்வார்கள். பின்னணியில் நடக்கும் துணை நடிகர்கள்  எப்போது எங்கே கிராஸ் செய்தார்கள் என்றெல்லாம் சரியாக மார்க் செய்து கொண்டு அந்த நேரத்தில் அவர்களை  அனுப்ப வேண்டும்.  பல அனுபவமிக்க  துணை  நடிகர்கள் அவர்களாகவே புரிந்து கொண்டு சரியான டைமிங்கில் நுழைந்து வெளியே வருபவர்கள் இருக்கிறார்கள்.

கதாநாயகன் ஒரு வீரம் மிக்கவனாக, அன்பானவனாக, மக்கள் நாயகனாய் காட்ட நல்ல துணை நடிகர்களை வைத்துத்தான் காட்சியை மெறுகேற்ற வேண்டும். அவர்கள் சொதப்பினால் மொத்தமும் சொதப்பலாகிவிடும். இப்படி இவர்களை பற்றி சொல்வதானால் நிறைய சொல்லலாம். சரி அதை விடுங்கள் நாம் இப்போது நம் கட்டுரையின் தலைப்புக்கு வருவோம். ஷூட்டிங்கில் இரண்டு இட்லி, வடை மட்டுமே சாப்பிடுபவர்கள் என்று யார் இப்படி கதை கட்டி விட்டது என்றே தெரியவில்லை. ஒரு நாளைக்கான ஷூட்டிங் மெனுவை சொல்கிறேன் கேளுங்கள். இட்லி, வடை, பொங்கல், வடைகறி, மூன்று விதமான சட்டினிகள், ராகி, அல்லது கோதுமை உப்புமா, வெள்ளை உப்புமா அதாங்க ரவை உப்புமா என்று வரிசைக் கட்டி இருக்கும் அயிட்டங்களுடன், டீ, காபியும் உண்டும். இது தவிர எல்லோருக்கும் கேன் வாட்டரும், ஒரு மணி நேரத்திற்கு ஒரு டீ யோ காபியோ இருக்கும். இது தவிர மதியம் சாதம், ஒரு கலந்த சாதம், சாம்பார், ரசம், மோர், நான் வெஜ் என்றால் குழம்போ, அல்லது ட்ரை அயிட்டமோ ஒரு முறை மட்டுமே காட்டப்படும். ஆனால் உண்டு. முக்கியமாய் லைட்மேன்களுக்கு நான் வெஜ் இருந்தாக வேண்டும். பளுவான லைட்டுகளை தூக்கிச் செல்பவர்களாதலால் அந்த கவனிப்பு. இது தவிர இரண்டு பொரியல், கூட்டு, சைவமாய் இருந்தால் அப்பளம், அசைவம் சாப்பிட்டால் கிடையாது.  திரும்பவும் மதியம் ஒரு மூன்று மணிக்கு ஒரு டீயோ, அல்லது லெமன் டீயோ உண்ட பின் வரும் மயக்கத்தை தெளிவிப்பதற்காக.. மறுபடியும் டீ.. காபி.. என்று ஓடும் . சாயங்காலம் பேட்ட வாங்கிக் கொண்டு போகும் போது டிபன் என்று ஒரு ஸ்வீட், ஒரு காரம் கொடுக்கப்படும்.

பாடல் காட்சிகள், சண்டைக்காட்சிகள், என்று வெய்யிலில் கூட்டமாய் நிற்கும் காட்சியன்று உச்சி வெய்யிலுக்கும்  மோரோ, அல்லது சில்லென லெமன் ஜூஸோ, அல்லது இர்ண்டு லிட்டர் பேண்டாவோ அனைவருக்கு வெய்யில் ஏற ஏறக் கொடுக்கப்படும். இதைத் தவிர, இரவு ஷூட்டிங் என்றால் நிச்சயம் டீ காபி தொடர்வதும், அது மட்டுமில்லாமல், இரவு சாப்பாட்டுக்கு இட்லி, பரோட்டா, தோசை, சட்னி வகைகள் மூன்று, வடகறி அல்லது குருமா.. அசைவத்தில் சிக்கனோ, மீனோ குழம்பாய் இருக்கும்.  பைனல் டச்சாய் தயிர்சாதம் ஊறுகாய் கூட இருக்கும்.

அவுட்டோர் கூட்டிக் கொண்டு போனால் காலையில் ரூமில் காபி/டீயுடன் தான் பள்ளியெழுச்சியே நடக்கும். இப்படி ஒரு ஆளுக்கு சைவம் என்றால் இன்றைய விலைவாசிக்கு இவ்வளவும் போட்டு நூறு ரூபாயிலிருந்து நூற்றியமைப்பது ரூபாய் வரை செலவு செய்கிறார்கள். விஜயகாந்த், எம்.ஜி.ஆர் படப்பிடிப்புகளில் அவர்கள் சாப்பிடும் சாப்பாடே துணை நடிகர்களுக்கும் போடச் சொல்லி பசியாறுவதை பார்த்து சந்தோஷப்பட்டவர்கள் என்று பெயர் பெற்றவர்கள். எனவே இனிமேலாவது கட்டுரைத் தலைப்பை வைத்து பொத்தாம் பொதுவாய் யார் மனைதையும் ஏன் இப்படி சொல்கிறேனென்றால்.. சாப்பிடுபவர்களையும் சாப்பாடு போடுபவர்களையும் சேர்த்து அவமதிப்பது போலிருக்கிறது அந்த சொல்வடை.. அவர்களும் கலைஞர்கள் தான்.  அவர்கள் இல்லாமல் சினிமா இல்லை. ..இல்லை. இல்லை…
சங்கர் நாராயண் @கேபிள் சங்கர்
அதீதம் இதழுக்காக எழுதியது.

டிஸ்கி: வெளியூர் பயணமாய் ஒரு வாரம் செல்லவிருப்பதால். யாராவது மகானுபாவர்கள் திரட்டிகளில் சேர்த்து விடவும். அவர்களுக்கு என் சொத்தில் பாதியை ஏன் முழுவதையும் தருகிறேன்.:)

Sunday, October 30, 2011

கொத்து பரோட்டா -31/10/11

பேரறிவாளன், சாந்தன், முருகன் ஆகியோரின் தூக்குதண்டனை விஷயத்தில் மத்திய அரசுதான் முடிவு எடுக்க வேண்டும். மாநில அரசால் ஒன்றும் செய்ய முடியாது என்று மம்மி சொல்லியிருப்பது ஒன்றும் ஆச்சர்யமேயில்லை. என்னை அவர்களை நம்பி.. ஆஹா ஓஹோவென காலில் விழாத குறையாய் துதி பாடியவர்களை பார்த்துத்தான் பாவ்மாய் இருக்கிறது. சட்டசபையில் தீர்மானமெலலாம் இயற்றினார்களே? என்று கேட்பவர்களுக்கு என்னா பாஸ் விளையாட்டுப் புள்ளைகளா இருக்கீங்களே? உள்ளாட்சி தேர்தலும் முடிஞ்சுருச்சு. இனி பாராளுமன்ற தேர்தலின் போதுதானே வந்து நிக்கணும். அப்ப பாத்துக்கலாம்.  அம்மா தன் இன்ப்ளூயன்ஸ் முழுக்க யூஸ் பண்ணி அவங்களை ரிலீஸ் பண்ணனும்னு சொல்லியிருக்காரு... தானைத் தலைவர். அம்மாவோட பதில் திருப்தி தரலையாம் டாக்டருக்கு. கேப்டன் ஒன்னியும் சொன்னாமேரி தெரியலை.
#############################


செவிக்கினிமை
பாட்டை கேட்க ஆரம்பித்த வினாடிகளில் பாடல்உங்களுக்கு பிடித்திருக்கிறதா? கேட்க, கேட்க ஒரு விதமான ட்ரான்ஸ் நிலையை அப்பாடலின் இசை உங்களை சுழற்றி, சுழற்றி அடித்திருக்கிறதா? அப்படிப்பட்ட உணர்வை எனக்கு கொடுத்தது ஏ.ஆர்.ரஹ்மானின் ராக்ஸ்டார் படப் பாடல்கள். முக்கியமாய் அந்த கவாலி பாடல்.. ஸ்பெல்பவுண்டிங். என்ன ஒரு ஹாண்டிங் ஆல்பம்.
######################################
தமிழ், தமிழ் என்று தமிழர்களின் உணர்வுகளை தூண்டிவிட்டால் வெற்றி நிச்சயம் என்று ஏழாம் அறிவுக்கு எழுதியதை வைத்து நிறைய பேர் கேள்வி கேட்டிருந்தார்கள். நீங்கள் மட்டும் இண்டி ப்ளாக்கர்கள் கூட்டத்தில் தமிழ் பதிவர்களுக்காக உணர்ச்சிவசப்படவில்லையா? எனறு. நான் கேட்டதற்கும், விமர்சனத்தில் எழுதியதற்கும் வித்யாசம் தெரியாதவர்களுக்கு என்ன சொன்னாலும் புரியப் போவதில்லை. இதே படம் தெலுங்கில் டப் செய்யப்பட்டிருக்கிறது. அந்த படத்தில் க்ளைமாக்ஸில் தமிழனை பற்றி பேசும் வசங்களில் எங்காவது தமிழ் பற்றியோ, தமிழர் பெருமையை பற்றியோ பேசியிருந்தால் நிஜமான தமிழ் உணர்வோடு எடுக்கப்பட்ட படம் என்று ஒத்துக் கொள்கிறேன். அங்கு மட்டும் இந்திய உணர்வையும், லேசான பிராந்திய உணர்வோடும் வசனம் பேசியிருக்கிறார்கள்.  மக்கள் மறந்த ஒரு தமிழனின் பெருமையை உலகுக்கு சொல்ல விழைகிறேன் என்று சொல்லும் போது, எந்த மொழியிலும் அந்த உணர்வை சரியாக சொல்லியிருக்க வேண்டும். அப்படியில்லாத எந்த ஒரு படைப்பும் போலியானதே.ஸோ.. விடு ஜூட்.
#################################################3


மேலே உள்ள இரண்டு படங்களும் நேற்று முன் தினம் தேவர் ஜயந்திக்காக பெயிண்ட் செய்யப்பட்ட நந்தனம் சிக்னல் போலீஸ் பூத். குழந்தை தொழிலாளர்களை அமர்த்துபவர்கள் மீது சட்டத்தை பிரயோகிக்கும் போலீஸாரின் பூத்தை பெயிண்ட் அடிக்கும் ஒரு சிறுவன். என்னத்தை சொல்ல..?
##############################
நான் ஒரு விஷயத்தை விமர்சனம் செய்யும் போது, அந்த விமர்சனத்துக்கான எதிர்வினையை எதிர்பார்த்துதான் எழுதுகிறேன்.அதனால் விமர்சனங்களை வரவேற்கிறேன். என் எழுத்துக்களை விமர்சிப்பவர்களை என் பதிவில் அனுமதிப்பவன். என் பின்னூட்டப் பெட்டியில் எதிர்வினைகள் மட்டுறுத்தப்படுவதில்லை என்பது வாசகர்கள் அனைவருக்கும் தெரியும். ஆனால் தரம் தாழ்ந்து, மனநிலை பிழன்றவர்களின் ஆபாச பின்னூட்டங்கள் என்னைப் படிக்கும் வாசகர்களை இம்சிக்கும் என்பதால் பின்னூட்ட மட்டுறுத்தல் வைத்திருக்கிறேன். என்னிடம் எதிர்வினை புரிய முடியாமல் இப்படி கீழ் தரமாக போகிறவர்களை பார்த்தால் எனக்கு ரோட்டில் திரியும் பைத்தியக்காரனின் மேல் வரும் பரிதாபம் தான் வருகிறது. எந்த காத்து கருப்பு அண்டிச்சோ....:)
###################################
தத்துவம்
The naked truth is always better than the dressed lie..


Never trust the promises of a man with an erection or the promises of a man who is drunk.


உங்கள் மனவோட்டத்தை பேச்சாக மாற்றும் கருவி எது என்று தெரியுமா? ஆல்கஹால்.


நீ எவ்வளவு தான் வேகமாக ஓடினாலும் சரியான ரோட்டில் ஓடவில்லையெனில் பிரயோஜனமில்லை. - ஜெர்மனிய பழமொழி
##################################


சமீபத்தில் கேட்ட, ரசித்த ஹிட் நம்பர்.




#####################################
ப்ளாஷ்பேக்
ராஜாவின் பல பாடலகள் சரியான படங்களில் அமையாமல் பெரிதாக அறியப்படாமல் போயிருக்கிறது. அப்படிப்பட்ட பாடல்களை கேட்கும் சந்தர்ப்பம் வரும்போது என்னா பாட்டுடா.. இது பெருசா ஹிட்டாகலையே என்ற ஆதங்கம் நம்முள் வரும். அப்படிப்பட்ட ஒரு பாடல் தான் இந்த பாடல். ரீதிகெளள ராகத்தின் அடிப்படையில் அமைந்த பாடல்.  பாடலின் பிஜிஎம்மில் வரும் வயலின் கம்போஷிசனைக் கேளுங்கள். உருக்கும். மொட்டை மொட்டைதாண்டா..
#######################################
யுடான்ஸ் கார்னர்.
இன்றுடன் ஆதி-தாமிராவுடன், யுடான்ஸ் இணைந்து நடத்தும் “சவால் சிறுகதை போட்டி”க்கான உங்கள் கதைகளை அனுப்ப கடைசி நாள்.  உடன் உங்கள் கதைகளை அனுப்பி போட்டியில் பங்கு பெற வேண்டுகிறோம்.
########################################
அடல்ட் கார்னர்
பெரிய பிஸினெஸ்மேன் ஒருவர் ப்ளைட்டில் அமர்ந்ததும் பக்கத்தில் ஒரு அழகிய பெண் இருப்பதை பார்த்தார். அவ்ள் செக்ஸுவல் ஸ்டாடிஸ்டிக் என்கிற புத்தகத்தை படித்துக் கொண்டிருந்தாள். இருவரும் ஒருவரை ஒருவர் பார்த்து சிரித்துக் கொண்டார்கள். “இந்த புத்தகம் அருமையான புத்தகம் பல அறிய தகவல்களை கொண்டது. உலகிலேயே நீண்ட “லுல்லா” இந்தியனுக்கும், நல்ல பருத்த “லுல்லா” பாகிஸ்தானியர்களுக்கும் தான் இருக்கிறதாம். பை த பை என் பெயர் ரோஸி. .உங்கள் பெயர்?” என்று கேட்க, பிஸினெஸ்மேன் “சுரேஷ் ஹயத்துல்லா” என்றார்.
####################################
சங்கர் நாராயண் @கேபிள் சங்கர்
டிஸ்கி: வெளியூர் பயணமாய் ஒரு வாரம் செல்லவிருப்பதால். யாராவது மகானுபாவர்கள் திரட்டிகளில் சேர்த்து விடவும். அவர்களுக்கு என் சொத்தில் பாதியை ஏன் முழுவதையும் தருகிறேன்.:)

Friday, October 28, 2011

சாப்பாட்டுக்கடை - ID@ Sathyam


நல்ல தியேட்டரில் சினிமா பார்க்க வேண்டுமென்றால் சென்னைவாசிகளின் முதல் ஆப்ஷன் சத்யமாய்த் தான் இருக்கும். சென்னையின் முக்கிய டெஸ்டினேஷன்களில் ஒன்றாக விளங்கும் இந்த மல்ட்டிப்ளெக்ஸில் முதல் மாடியில் ஒரு வெஜிட்டேரியன் ரெஸ்டாரண்ட் இருக்கிறது. பெயர் ஐடி.  நிர்வாகத்தினர் பெயருக்கான பாண்ட் டிசைனிலேயே நம்மை கவர்ந்து விடுவார்கள். உள்ளே சென்றதும் அருமையான ஆம்பியன்ஸ். நடுவே சமையல் இடம். அதை சுற்றி பாரில் உள்ளது போல ஒரு சீட்டிங் அரேஞ்ச்மெண்ட். அவசர அடியாய் தனியாய் என்னைப் போன்றவர்களுக்காக அமைத்திருப்பார்கள் போலும். தோசைக்கல்லுக்கு முன்னாடியே உட்கார்ந்து சுடசுட சாப்பிடலாம்.


பூப்போன்ற சூடான இட்லி, முறுகலாகவோ, அல்லது பதமாகவோ, நாம் கேட்கும் வகையில் தோசை, மசாலா தோசை, ரவா தோசை, பெசரட் உப்புமாவோடு, அடை அவியல், மெதுவடை, கீரைவடை, மசால் வடை, பொங்கல், ஆப்பம், என்ற மெனுவுடன், சைட்டிஷ்ஷாக, மூன்று வகை சட்னிகள், நல்ல திக்கான சின்ன வெங்காய சாம்பார், ஆப்பத்திற்கான உள்ளித்தீயல் என்று வரிசைப் படுத்தியிருக்கிறார்கள். என் பேவரிட் எப்போதும் இட்லி, வடைகளில் ஏதாவது ஒன்று, ஆப்பம் உள்ளித்தீயல். முருங்கைக்காயையும், சின்ன வெங்காயத்தையும் போட்டு நம்ம ஊரு காரக்குழம்பு போலவும் இல்லாமல் கொஞ்சம் லேசான புளிப்போடு சர்வ் செய்வார்கள். ம்ம்ம்ம்..சூப்பர்ப். சில சமயம் உப்புமா பெசரட். கூடவே ஒரு காப்பி. ஒரு 150 ரூபாய்க்குள் வரும். அவர்கள் சர்வ் செய்யும் சுறுசுறுப்பும், உணவின் தரமும் இது வரை குறையவேயில்லை. சரவண பவனைவிட கொஞ்சம் விலை குறைவே. கடைசியாய் காப்பி,டீக்கு பதிலாய் ஜூஸ், லஸ்ஸி என்று விரும்புகிறவர்களூக்கு லஸ்ஸி ஒரு டிவைன் ஃபினிஷிங் டச்.
சங்கர் நாராயண் @கேபிள் சங்கர்

Thursday, October 27, 2011

வேலாயுதம்

velayudham Vijay56 தொடர்ந்து ஆறரை தோல்விகள். அதை மீறி ஏதாவது மேஜிக் செய்வார் என்ற எதிர்பார்பை ரசிகர்களிடையே இன்னமும் வைத்திருக்கும் விஜய். தசாவதாரத்தை தயாரித்த புகழ் பெற்ற தயாரிப்பாளர் ஆஸ்கர் ரவிசந்திரன். ரீமேக் புகழ் ராஜா. ஹிட்டான பாடல்கள் என்று ஏழாம் அறிவுக்கான எதிர்பார்ப்பையும் மீறி தனக்கென ஒரு ஓப்பனிங்கை வைத்திருக்கும் விஜய்யின் படம். விஜய் லோ ப்ரொபைலில் இருக்கும் காலத்தில் வந்த படம் தான் திருமலை. அதற்கு முன்னால் ரிலீஸான படங்கள் எல்லாம் தோல்வியடைந்திருக்க, எந்த விதமான எதிர்ப்பார்ப்பும் இல்லாமல் ரிலீசான திருமலை ஹிட்டடித்தது. அதே போன்ற மேஜிக்கை இந்த வேலாயுதம் செய்தானா? என்பதை பார்ப்போம்.


WWW.VIJAYFANSCLUB.COM ஜெனிலியா ஒரு பத்திரிக்கை ஆரம்பிக்கிறார்.(அல்லது ஃபிரீலான்ஸ் ஜர்னலிசம் செய்கிறார்.) ஏதோ ஒரு எழவு வேலை செய்கிறார். உள்துறை அமைச்சரின் விஷயம் என்று தெரியாமல் இன்வெஸ்டிகேட்டிவ் ரிப்போர்ட்டிங்கில் அவரும், அவரின் நண்பர்களும் ஈடுபடுகிறார்கள்.  அதில் ஜெனிலியாவின் நண்பர்கள் கொல்லப்பட, அந்த ரவுடிகள் மூலமாக சென்னையில் பல இடங்களில் வெடி குண்டு வெடிக்கப் போவதாய் தெரிகிறது. ஜெனிலியா கத்திக்குத்தோடு உயிர்பிழைக்கிறார். ஒரு விபத்தில் ரவுடிகள் எரிந்து போயிருக்க, அப்போது ஜெனிலியா அவர்களை கொன்றது “வேலாயுதம்” என்று கற்பனைப் பெயரை எழுதி வைக்க, அடுத்து நடக்கவிருக்கும் வெடிகுண்டு மேட்டரையும் எழுதி வைக்கிறார். இப்போது கிராமத்தில் தன் தங்கை மீது அதீத பாசமுள்ள அண்ணனாக விஜய். அப்பா அம்மா இல்லாமல் பாசத்துடன் தங்கையை வளர்க்கிறார் விஜய். தங்கையின் திருமணத்திற்காக சென்னையின் ஒரு பெரிய கம்பெனியில் சீட்டு போட்டிருக்க, அதை எடுக்க சென்னை வருகிறார். அடுத்தடுத்து நடக்கும் குண்டு வெடிப்புகளை எத்தேசையாய் அவருக்கே தெரியாமல் செயலிழக்கப்பட, வேலாயுதம் மக்களிடையே ஒரு சூப்பர் ஹீரோவாக பார்க்கப் படுகிறான். இது பற்றி தெரியாத விஜய் அப்பாவித்தனமாய் ஜாலியாய் சுற்ற, ஒரு கட்டத்தில் அவர் நம்பி பணம் கட்டிய சீட்டுக் கம்பெனி பணம் கொடுக்காமல் ஏமாற்றிவிட, நொந்து போயிருக்கும் நேரத்தில் ஜெனிலியா மூலம் தன்னைத்தான் எல்லோரும் வேலாயுதம் என்று நம்பியிருக்கிறார்கள் என்ற உண்மையை தெரிந்து கொள்கிறார். பின்பு அவர் வேலாயுத அவதாரம் எடுத்தாரா? தங்கையின் திருமணம் நடந்ததா? வில்லனின் குண்டு வைப்பு திட்டத்தை அழித்தாரா? என்பது போன்ற நைல் பைட்டிங் கேள்விகளுக்கு எல்லாம் பதில் வெண்திரையில்.
velayudham-review மிகச் சாதாரண  லைனை விஜய் என்கிற ஒருவர் தன் தோள் மீது தூக்கி சுமந்திருக்கிறார்.  முதல் பாதியில் திருப்பாச்சி கணக்கா தங்கச்சி மேல அம்புட்டு பாசத்தை பொழியிராரு.. ஊருல நாலைஞ்சு இளந்தாரி பயளுகளோட ஃப்ரெண்ட்சா இருக்காரு. துள்ளி  குதிச்சு, ரவுசு பண்றாரு. ஏன்னா இவரு யூத்தில்லையா அதனால. ஆனால் ஊருல எல்லாரும் அவருக்கு ஆதரவா இருப்பாங்களாம். இப்படி ஆஹா..ஓஹேன்னு பில்டப்பு கொடுத்தாலும் அறிமுக காட்சியில் சுறாவை போல பார்த்தவுடன் நம்மை நொந்து போக வைக்காமல், ஊரே அவரை வழியனுப்பி வைப்பதற்கான காரணத்தையும், அதன் பின்னணியில் உள்ள சோகக் கதையை சொல்லும் போது விஜய் நம்மை சிரிக்க வைக்கிறார். அதன் பிற்கு சென்னைக்கு வந்த பிறகு சந்தானம் தன் பங்கிற்கு ஆட்டத்தை ஆட, அட என்று ஆச்சர்யப்படும் வகையில் போரடிக்காமல் முதல் பாதி போனது எப்படி என்றே தெரியவில்லை. முழுக்க முழுக்க விஜயின் ஆதிக்கம் செலுத்தியுள்ள இடம் இது. ஆங்காங்கே வரும் வில்லன் காமெடிகளைத் தவிர.
Velayutham-Movie-Poster இப்படியெல்லாம் சுறுசுறுப்பா கதையேயிலலாம கதைய  நவத்துனவங்க.. அய்யயோ கதை சொல்லணுமேன்னு யோசிக்க ஆரம்பிச்சதும் சொதப்ப ஆரம்பிச்சது தான் ப்ரச்சனை.  அவ்வளவு நேரம் விஜய்யை அவரின் நடிப்பை, ஸ்க்ரீன் ப்ரெசென்சை ரசிக்க ஆரம்பிச்சிருந்த் நேரத்தில மறுக்கா ஆக்‌ஷன் ஹீரோ, சூப்பர் ஹீரோன்னு வெறும் அசாசின் க்ரீட் ட்ரெஸ்சை மட்டுமே போட்டு பில்டப் கொடுக்கறதும்,  சண்டை போடறதுமா பொழுது ஒடி தூக்கம் வந்ததுதான் மிச்சம். சாதாரணமாவே ஆபத்து நேரத்தில டக்குன்னு ஸ்பாட்டுல வந்து நிப்பாங்க ஆக்‌ஷன் ஹீரோவெல்லாம்.  இப்ப சூப்பர் ஹீரோன்னதும் கேக்கணுமா? தேணுற இடத்தில தோணுற சீனுலயெல்லாம் டக்கு டக்குன்னு வந்து நின்று கையால சண்டைப் போட்டே தூள் கிளப்புறாரு.

ஹன்சிகா மோத்வானி சரியான மொத்துவானி. ரியாக்‌ஷனுங்கிறது ஸ்பெல்லிங் என்னன்னு கேட்பாங்க போலருக்கு? லவ் பண்ணவும் வர்மாட்டேன்குது. அழுகவும் வர மாட்டேன்குது. கொஞ்சமே கொஞ்சம் இம்ப்ரசிவான நடிப்பு ஜெனிலியாவிடம் மட்டுமே.. ஹீரோயின்களில். மற்றபடி எம்.எஸ்.பாஸ்கர்.  சரண்யா மோகன், பரோட்டா சூரி, பாண்டி என்று ஏகப்பட்ட நடிகர்கள். எல்லோருமே அவர்களுக்கு கொடுத்த பாத்திரத்தில் நிறைவாக செய்திருக்கிறார்கள். விஜய்க்கு பிறகு படத்தை விறுவிறுப்பாக போக வைப்பவர் சந்தானம் ஒருவரே. படத்தின் முதல் பாதி முழுவதும் மனுஷன் சகஜமாய் அடித்து விட்டு கலாய்க்கிறார்.
 Velayudham-Stills-004 ப்ரியனின் ஒளிப்பதிவு பளிச். ஓப்பனிங் பாம் வெடிக்கும் காட்சியில் சிஜி படு அமெச்சூர்தனம். படத்தின் இன்னொரு பலம் விஜய் ஆண்டனி. வழக்கமாய் சத்தமாய் கொத்தியெடுக்கும் குத்துப் பாட்டுகளை நம்புகிறவர் இம்முறை கொஞ்சம் அடக்கி வாசித்து மெலடியில் நின்றிருக்கிறார். முளைச்சு மூணு இலை, ரத்தத்தின் ரத்தமே, மாயம் செய்தாயோ.. ஆகிய பாடல்கள் ஸூத்திங் மெலடிகள். குட் ஜாப் விஜய்.

வழக்கமாய் ரீமேக் படங்களாய் மட்டுமே எடுத்து வந்த ராஜா முதல் முறையாய் ஆசாத் என்கிற தெலுங்கு படத்தின் லைனை மட்டுமே வைத்துக் கொண்டு திரைக்கதையாக்கி சுவாரஸ்யமாக கொடுக்க முயற்சித்திருக்கிறார். அவ்வகையில் முதல் பாதியில் இவர் ஜெயித்திருக்கிறார் என்றே சொல்ல வேண்டும். ஆனால் அந்த க்ரிப்பை இரண்டாவது பாதியில் விட்டுவிட்டார். வழக்கமான மசாலா அடிதடி க்ளைமாக்ஸை நோக்கி போகிறார். க்ளைமாக்ஸ் அந்நியன் படத்தை ஞாபகப்படுத்துகிறது. கடைசி பத்து நிமிஷம் விஜய் பேசும் காட்சியில் கொஞ்சமே கொஞ்சம் புத்திசாலித்தனத்தை உபயோகித்திருந்தால் இன்னும் சுவாரஸ்யமாயிருந்திருக்கும். சரி அதுக்கென்ன பண்றது வச்சிகிட்டா வஞ்சனை பண்றாரு. இதற்கு முன் வந்த விஜய் படங்களைப் பார்த்ததும் ஒரு விதமான எரிச்சல் வரும். அது இந்த படத்தைப் பார்த்ததும் வரவில்லை. அந்த வகையில் விஜய்க்கு இப்படம் ஒரு கம்பேக் என்றே சொல்ல வேண்டும்.
Rating : 35/120
சங்கர் நாராயண் @கேபிள் சங்கர்

Tuesday, October 25, 2011

ஏழாம் அறிவு

 7தமிழ் திரையுலகமே மிகவும் எதிர்பார்த்த படம். ஏகப்பட்ட ஹைப்புகளுடன் வியாபாரம் செய்யப்பட்டப் படம். சூர்யா, ஏ.ஆர்.முருகதாஸ், ஸ்ருதி, ஹாரிஸ் ஜெயராஜ், உதயநிதி ஸ்டாலின், ரவி கே. சந்திரன் என்று பெரிய படையே இதன் பின்னணியில். ரிலிஸுக்கு முன்னமே சுமார் 80 கோடி வியாபாரம் முடிந்திருக்கிற படம். இப்படத்தை பொறுத்தவரை தயாரிப்பாளருக்கு ரிலிஸின் முன்னமே பெரும் லாபத்தை கொடுத்தப் படம். அநியாயமாய் 200ரும் முன்னூறும் கொடுத்த பார்த்த ரசிகர்களுக்கு ஜீரணிக்குமா? என்பதை பார்ப்போம்.


ஆயிரத்து அறுநூறு வருடங்களுக்கு முன் போதிதர்மன் எனும் பல்லவ இளவரசர் வாழ்ந்து வந்தார். அவர் சண்டைப் பயிற்சி, மருத்துவம், என்று பல கலைகளில் சிறந்து விளங்கினார். ஆய கலைகள் அனைத்திலும்  சிறந்த விளங்கிய அவர் தன் தாய் தந்தையின் ஆசைப்படி சீனாவுக்கு தரை மார்கமாகவே மூன்று வருட பயணம் மேற்கொண்டார். சீனாவில் ஒரு சிறிய கிராமத்தை அடைந்தார். இவரை கெட்டவராக பார்த்த மக்களுக்கு ஒரு முறை பெயர் தெரியாத வியாதி ஒன்று வர, அதை தன்னுடய மருத்துவ முறையால் தீர்த்து வைத்தார். அதன் பிறகு அந்த வைத்திய முறையை அங்குள்ள மருத்துவர்களுக்கு அறிமுகப்படுத்தினார். பின்னர் அங்குள்ள மக்களுக்கு தீயவரகளால் பங்கம் வரும் போது தன் களறி பயிற்று மூலமும், நோக்கு வர்மம் எனும் கலையையும் பயன்படுத்தி மக்களை காப்பாற்றுகிறார். இவ்வளவு செய்த மக்கள் அவர் தங்கள் ஊரில் இற்ந்து புதைத்தால் தங்கள் நாட்டிற்கு ஏதுவும் வராது என்று தவறாக நினைத்து சாப்பாட்டில் விஷம் வைக்கிறார். அதை தெரிந்து கொண்ட போதிதர்மர் அவர்களுக்காக உண்டு சாகிறார். அங்கேயே புதைக்கப் படுகிறார். கடவுளாய் வழிபடப்படுகிறார். இதுதான் போதிதர்மனின் வாழ்க்கை வரலாறு. என்னடா ஏதோ வரலாற்று பாடத்தை மக்கப் செய்வது போல இருக்கிறதே என்று பார்க்கிறீர்களா? படம் பார்க்கும் போது அப்படித்தான் தோன்றுகிறது. 
7-1 நிகழ்காலத்தில் சூர்யா ஒரு சர்க்கஸ் கலைஞன். ஸ்ருதி ஒரு டி.என்.ஏ பற்றிய ரிசர்ச் மாண்வி. சூர்யாவுக்கும் அவருக்கும் காதல். அப்படியென்று சூர்யா நினைத்துக் கொள்ள, இல்லை என்று தெரிந்து  சோக கீதமெல்லாம் பாடி, பின்பு தெரிந்து கொள்கிறார் தான் போதிதர்மரின் வாரிசு என்றும். அவரது டி.என்.ஏவும் தன் டி.என்.ஏவும் எண்பது சதவிகிதம் சூட் ஆகிறது என்றும். அவரின் டி.என்.ஏவில் உள்ள திறமைகளை தூண்டிவிட்டால் இவரும் ஒரு போதி தர்மர் ஆகிவிடலாம் என்று சுருதி மூலமாய் தெரிந்து கொள்கிறார். சீனாவிலிருந்து டோன்லி எனும் ஒரு சைனாக்காரன் இந்தியாவில் நாய் மூலமாய்  போதிதர்மர் மருந்தளித்து குணப்படுத்திய வியாதியை பரப்பி, அதற்கான மருந்தை சீனா விற்று, இந்தியாவை தன் இஷ்டப்படி ஆட்டலாம் என்று அவர் ஒருவரை மட்டும் அனுப்புகிறது. அவனுக்கு இட்ட இன்னொரு கட்டளை போதிதர்மனின் டி.என்.ஏவை பற்றி ஆராய்ச்சி செய்யும் சுருதியை கொல்வதும் ஒரு காண்ட்ராக்ட். அவன் இந்தியாவில் அந்த நோயை பரப்பினானா? ஸ்ருதியை கொன்றானா? போதிதர்மனின் டி.என்.ஏவை செலுத்தி அதன் மூலம் முழு போதிதர்மன் ஆனாரா சூர்யா? என்பது போன்ற கேள்விகளுக்கு வெள்ளித்திரையில் பதிலளித்துள்ளார்கள்.

பெரிதாய் பில்டப் செய்யப்பட்ட போதிதர்மர் கேரக்டரில் சூர்யா நன்றாக இருக்கிறார் பார்க்க. நன்றாக நடித்திருக்கிறார் என்று சொல்பவர்களுக்கு நான் ஏதும் சொல்ல விரும்பவில்லை. போதி தர்மர் எபிசோட் டெப்த் இல்லாமல் வெறும் ஆர்ப்பாட்டமாகவே இருக்கிறது. சிக்ஸ் பேக்கில் கட்டுமஸ்தாய் குங்பூ கலைஞர என்பதை நம்ப வைக்கிறார். அவ்வளவுதான். அவரை பற்றி பெரிய டீடெயில் இல்லை. நிகழ்காலத்தில் சர்கஸ் கலைஞராய் வரும் சூர்யா ஆடுகிறார், பாடுகிறார். அருமையாய் சண்டை போடுகிறார். ஆங்காங்கே ஸ்ருதியை காதலிக்கிறேன் என்று காமெடி செய்கிறார். பெரும்பாலும் தன் ஸ்க்ரீன் ப்ரெசென்ஸை சரியானபடி உபயோகித்திருக்கிறார் என்றே சொல்ல வேண்டும். பாடல் காட்சிகளில் ஸ்ருதிக்கும், சூர்யாவுக்கும் எந்த வித “கெமிஸ்ட்ரி”யும் வரவில்லை. பாவம் மனுஷன் கமல் பொண்ணு என்ற எண்ணத்திலேயே நடித்திருக்கிறார் போலும்.
7-2 ஸ்ருதி அழகாக இருக்கிறார். ஸ்பஷ்டமாய் அழுத்தம் திருத்தமாய் டாமினண்ட் வாய்ஸில் பேசுகிறார். பாடல் காட்சிகளில் ராவிஷிங் பியூட்டியாக இருக்கிறார். சில பல காட்சிகளில் நடிக்கவும் செய்கிறார். அதே போல படு பயங்கர வில்லனாய் வரும் ஜான். மனுஷன் பேசாமலேயே நிறைய விஷயங்களை செய்கிறார். ஆனாலும் படம் நெடுக டெர்மினேட்டர் டூவை ஞாபகப்படுத்துகிறார். தக்குணூண்டு கண்ணை வைத்துக் கொண்டு ஊரிலுள்ள் எல்லாரையும் சடுதியில் நோக்கு வர்மம் செய்து தன் காரியத்தை சாதித்துக் கொள்கிறார். க்ளைமாக்ஸ் பைட்டில் புழுதி பறக்க சண்டை போடுகிறார்கள் கிராபிக்ஸில்.

ஹாரிஸ் ஜெயராஜின் பாடல்கள் பற்றி ஏற்கனவே சொல்லியாகிவிட்டது. பெரிய லெட்டவுன். பின்னணியிசை அதை விட கொடுமை. க்ளைமாக்ஸ் காட்சியில் அவர் செய்திருக்கும் பின்னணியிசை படு இம்சை. ஓகே என்ற “யம்மா..யம்மா’ பாடலும் அபத்த தருணத்தில் வருவதால் உட்கார முடியவில்லை. ஆண்டணியின் எடிட்டிங் ஓகே. ரவி.கே.சந்திரன் வெகு நாட்கள் கழித்து தமிழ் படத்திற்கு ஒளிப்பதிவு செய்திருக்கிறார். இவரின் இந்தி படங்களைப் பாருங்கள். அப்படி கண்ணில் ஒற்றிக்  கொள்ளூமாறு இருக்கும் ஒவ்வொரு ஷாட்களும். இதில் எல்லாமே மிஸ்ஸிங் அவசர அடியாய் அடித்த எபெக்ட் மட்டுமே தெரிகிறது. அதிலும் வில்லன் நோக்கு வர்மத்தில் மாறி மாறி ஆட்களை வசீகரித்து சூர்யா, ஸ்ருதியை கொல்ல செய்யு முயற்சி சீனில் க்ராபிக்ஸ் படு சொதப்பல். பாடல் காட்சிகளில் ஓரளவுக்கு பரவாயில்லை.
7-am-arivu-movie-Latest-Stills-18-586x389 எழுதி இயக்கியவர் ஏ.ஆர்.முருகதாஸ். வழக்கமாய் முருகதாஸ் படங்களில் ஒரு டஃப் மேட்டரை சொல்வதற்கு பக்கா மசாலாவான ஒரு பில்டப் செய்து திரைக்கதையமைப்பார். உதாரணம் கஜினி. மொமண்டோவிலிருந்து அந்த கேரக்டரின் ப்ரச்சனையை எடுத்தாலும் அதை திரைக்கதை அமைத்தவிதத்தில் மிரட்டியிருப்பார். க்ளைமாக்ஸை தவிர. அதே போலத்தான் ரமணா போன்ற படங்களிலும். அதைப் போல இதிலும் ஒரு வியாதியை பரப்பி அதனை குணமாக்க மருந்து கண்டுபிடிக்கும் வேலையை செய்யும் வில்லனுக்கும் அதை தடுக்க நினைக்கும் ஹீரோவுக்குமான கன்பர்ன்டேஷன் தான் என்றாலும் அதற்கு டி.என்.ஏ, போதி தர்மர், தமிழ், தமிழர், என்று உணர்வுப் பூர்வமாய் உசுப்பேத்திவிட்டு ரணகளப் படுத்து முயன்று அரைகுறையாய் வெற்றி பெற்றிருக்கிறார் என்றே சொல்ல வேண்டும். கேள்வி கேட்க வேண்டும் என்றால் ஆயிரம் கேள்விகள் கேட்க வேண்டியிருக்கிறது. போதி தர்மர் எதற்காக சைனா போனார்? அவரை சைனாவுக்கு அனுப்பி வைத்ததற்கான காரணம் என்ன? அவர் தரையில் புழுதியை கிளப்பி அதை காற்று பந்தாக்கி எதிரியின் மேல் அனுப்புவது குங்பூவில் இருக்கிறதா? ஏதோ சித்து விளையாட்டு என்று வேண்டுமானால் எடுத்துக் கொள்ளாம். அப்புறம் சூர்யாவை மட்டுமே நம்பி ஒரு சர்க்கஸ் கம்பெனி நடக்கிறது. அவரே மக்கள் கூட்டத்தை கூட்ட, நடு ரோடில் ரிங்கா ரிங்கா என்று பாடுகிறார். சர்க்கஸில் பார் விளையாடுகிறார். யானைக்கு உடம்பு சரியில்லை என்றால் அழைத்துப்  போகிறார். அப்புறம் பாதி படத்திற்கு மேல் ஸ்ருதியுடன் சுற்றுகிறார். போதி தர்மரின் டி.என்.ஏ சேம்பிள்கள் சைனாவில் தான் கண்டெடுக்கப்பட்டிருக்கிறது. அந்த டி.என்.ஏ சேம்பிள்கள் எப்படி ஸ்ருதிக்கு கிடைத்தது? இடைவேளைக்கு பிறகு அடுத்து என்ன காட்சி வரும் என்பதையும். க்ளைமாக்ஸில் சூர்யா, ஜான் சண்டைக் காட்சியின் முடிவில் என்ன ஆகும் என்பது பிறந்த குழந்தைக்கு கூட தெரியும். அவ்வளவு டெம்ப்ளேட். உதாரணமாய் லிப்டிற்கு சுர்யாவும், ஸ்ருதியும் காத்திருப்பது, லிப்ட் வர நேரமாகும் போது கிளம்ப அந்த லிப்ட்டில் வில்லன் வருவது. போன்ற பல காட்சிகள். ஒரு செகண்ட் பார்த்தாலே ஹிப்னடைஸ் செய்ய முடியுமா? இப்படி தொடர்ந்து பல கேள்விகள் ஓட்டை மேல் ஓட்டையாய் வந்து கொண்டேயிருப்பதை தவிர்க்க முடியவில்லை.முதல் பாதியில் போதியும், பாடல்கள், ரம்பராய் இழுக்க, இரண்டாவது பாதிதான் படு சூடான சேஸிங். ஆரம்பிச்ச போது பர்ப்ரவென போகும் படம். பின்னர் நான் யோசிக்கும் அத்தனை காட்சிகளும் தொடர்ந்து வந்து கொண்டேயிருக்க, பெரிய த்ரில் ஏதுமில்லாமல் பொசுக்கென முடிந்து போகிறது.
7-Aum-Arivu_B நல்ல விஷயங்கள் என்றால் இம்மாதிரியான சாதாரண கதைகளுக்கு வேறு ஒர் கலர் கொடுக்க முயன்ற முயற்சி. போதி தர்மர் பற்றிய பில்டப்புகள். நம் நாட்டில் இல்லாத விஷயங்களா? அதுவும் தமிழன் வரலாற்றில் அவன் செய்யாதது எதுவுமே இல்லை என்று இடைவேளைக்கு பிறகு தமிழ் உணர்வை தூண்டிவிட்டு செய்யப்பட்ட திரைக்கதை. (இப்படம் தெலுங்கில் டப்பாகி பேசும் போது “மன தெலுகு தேசமுலு” என்று வரும்)  நம் வரலாற்றை பற்றி நாம் தெரிந்து கொள்ளாதது. மஞ்சளே விவசாயம் செய்யாதவன் அதற்கு பேட்டண்ட் வாங்கிய கொடுமை. உலக நாடுகள் இந்தியாவின் வளர்ச்சியை அழிக்க நினைப்பது, டி.என்.ஏ சமாச்சாரங்கள்  போன்ற பல நல்ல விஷயங்களை உறுத்தாமல் ஒரு கமர்ஷியல் படத்திற்குள் வைத்தது. அந்த அடையாறு யானை சவாரிக் காட்சி, வில்லன் நோக்கு வர்மத்தில் ஒவ்வொரு ஆளாய் ஏவி ஸ்ருதியையும், சூர்யாவையும் கொல்ல முயலும் காட்சி, சென்னைக்குள் இருக்கும் காடு என்கிற மேட்டர். சென்னை வாசிகளுக்கு கூட அவ்வளவாய் தெரியாது.  இரண்டாவது பாதியில் கொடுத்த பரபரப்பான மசாலா திரைக்கதையினால் படம் தப்பிக்கிறது. மொத்தத்தில் தமிழ் நாட்டில் தமிழனை தூண்டிவிட்டால் ஜெயிக்கலாம் என்ற உண்மையை இப்படத்தின் மூலம் நிருபித்திருக்கிறார்கள்.

Rating :40/120
சங்கர் நாராயண் @கேபிள் சங்கர்

Synthesize me, make me your love and hate machine

Kuukauden päästä tähän aikaan olen Itävallan ihmemaassa viettämässä aikaa ihanien ihmisten kanssa nauttien keski-eurooppalaisia oluita. En vieläkään pysty käsittämään, että pääsen vihdoin Itävaltaan, vaikka lupasinkin jo kesällä, että lähden sinne. En ole käsittänyt sitäkään, että valmistun perjantaina, vaikka asia konkretisoitui jo hieman, kun kävin noutamassa Matkahuollosta valmistujaishattuni. Vaikeinta on kuitenkin saada itseni tajuamaan, että minun ei tarvitse maanantaiaamuna herätä silmät ristissä, juoda kolmea kuppia kahvia kiiressä ja juosta bussipysäkille tukka putkella. Minulla on viimein aikaa itselleni, minä saan viimein levätä, ei stressiä, ei kiirettä. En ole koskaan elämässäni odottanut lomaa näin paljon. Sanokoot muut ihmiset mitä tahansa, minä olen lomani ansainnut.

Jotta elämä ei pelkäksi lomailuksi menisi, niin olen menossa torstaina työhaastatteluun. En yleensä jännitä haastatteluita, mutta tämä tuleva haastattelu saa pulssini nousemaan kiitettävästi. Pidämme peukut pystyssä että kaikki menee hyvin ja vaikka en paikkaa saisikaan, niin ainakin olen tehnyt parhaani.

Tällä hetkellä kovassa huudossa on tummanvioletti. Olen miettinyt pitäisikö vaihtaa nämä valkoiset hiuskuidut violeteiksi, mutta en ole tehnyt vielä päätöstä suuntaan tai toiseen. Haluaisin vain taas jotain uutta. Koska violetti on inspiroinut minua viime aikoina, niin tässä muutama kuva viime viikolta.



Paita, shirt - GinaTricot
Toppi, top - Second hand
Hame, skirt - Seppälä
Violetit leggingsit, purple leggings - Anttila
Verkkosukkahousut, fishnet stockings - H&M


Ihanainen Jeanetteni antoi minulle muutaman tunnustuksen, mutta koska olen ehkä maailman huonoin keksimään itsestäni mitään mielenkiintoisia faktoja (tai ainakaan sellaisia, mitä ihmiset eivät jo tietäisi), niin teen vain toisen. One lovely blog awardissa on tarkoituksena kertoa itsestään kahdeksan faktaa ja antaa sen jälkeen tunnustusta eteenpäin. Tiedän, että osa faktoista ei yllätä pitkäaikaisia lukijoitani, mutta on oikeasti vaikea keksiä joka kerta itsestään jotain yllättävää.


1. Olen lapsesta asti ollut persoona, joka jakaa mielipiteet hyvin voimakkaasti kahtia. Ihmiset joko vihaavat tai rakastavat minua. Joku viisas ihminen sanoi joskus, että vahvat persoonat ovat juuri sellaisia. Mielestäni on parempi olla vaikka sitten vihattu omana itsenään, kuin esittää jotain, että muut ihmiset pitäisivät sinusta. Kaikkein pahinta on se, että ei herätä mitään tunteita ihmisissä, sehän on sama kuin tylsä ;)

2. Itsepäisyys on ehdottomasti yksi parhaimpia ja huonoimpia piirteitäni. Sen avulla olen selvinnyt monista vaikeista asioista ja tavoitellut rohkeasti unelmiani. Välillä toki voisin myöntää olevani väärässä ja kuunnella hieman muidenkin mielipiteitä. Suurin osa läheisistäni on jo luovuttanut minun suhteeni, kuten äitini sanoo "Heidi kun saa jotain päähänsä, niin häntä ei estä yhtään mikään".

3. Vaikka olen äärimmäisen sosiaalinen ihminen, niin en viihdy suurissa ihmisryhmissä. Koen aina itseni ulkopuoliseksi ryhmässä ja olen aina se ryhmän outo lintu. Kun lähden ryhmästä pois, kuvittelen aina, että muut ryhmän jäsenet puhuvat minusta pahaa. Olen yrittänyt päästä pois tästä ajatusmallista, mutta se on äärimmäisen vaikeaa, koska se juontaa juurensa yläasteelle, jolloin asiat todellakin olivat näin. Tämän ryhmäkammoni takia, työtilanteet ovat minulle hyvin vaikeita, enkä tiedä pystynkö koskaan sopeutumaan täysin mihinkään työyhteisöön. Viihdyn parhaiten omissa oloissani, mikä on aika outoa, koska en kärsi minkäänlaisesta ujoudesta ja tulen helposti toimeen erilaisten ihmisten kanssa. 

4. Miesmakuni on kuulemma hyvin omalaatuinen. Pidän itseäni nuoremmista miehistä, jotka ovat naisellisia. Olen aina ollut ns. suhteen mies. En siedä machoilijoita, enkä "tosimiehiä". Pidän miehistä, jotka ovat vastakohtia minulle eli rauhallisia, hieman ujoja ja herkkiä (herkkä olen tosin itsekin).

5. En ole koskaan tuntenut itseäni suomalaiseksi. Jo lapsena selitin aina äidille kuinka lähden isona maailmalle. Olen myös kiinnostunnut eri kulttuureista ja kielistä, sekä haluaisin tavata ihmisiä eri puolilta maailmaa. Tulen huomattavasti paremmin toimeen ulkomaalaisten kuin suomalaisten kanssa. Minua ei myöskään ulkomailla koskaan uskota suomalaiseksi ja kuulemma englannin kielessäni on erikoinen aksentti (en tiedä mistä tämä on tullut).

6. Monet ihmiset kuvittelevat, että elämäni on täydellistä ja olen selvinnyt kaikesta helpolla. Nämä ihmiset eivät voisi olla enemmän väärässä. Kukaan ei meinaa edes uskoa, kun kerron mistä kaikesta olen elämässäni selvinnyt. Suurin syy ihmisten väärinkäsitykseen, on se, että en osaa näyttää pahaa oloani ulospäin helposti. Padon ongelmat usein sisälleni, hymyilen ulospäin ja selitän aina, että kaikki on hyvin. Onneksi olen oppinut kirjoittamaan ystävilleni, mikä on avannut monien silmät.

7. En ole hyvä kuuntelija, vaan enemmänkin neuvonantaja. Haluan ratkaista ongelman ja auttaa ihmistä pääsemään eteenpäin elämässään. Olen itse selvinnyt monista vaikeista asioista, minkä takia monet kääntyvätkin puoleeni, kun kaipaavat nimenomaan konkreettista apua tai selkeitä neuvoja. Ongelmien vatvominen kun ei poista niitä, yleensä vain pahentaa. Sen takia suosin toimintaa, enkä siedä turhaa lässytystä. 

8. Pidän esiintymisestä ja kaikenlaisesta luovasta toiminnasta. Olen mm. laulanut musikaaleissa ja kuorossa, näytellyt monissa eri näytelmissä, tanssinut balettia ja vatsatanssia, soittanut pianoa ja trumpettia, valokuvannut, piirtänyt paljon, kirjoittanut runoja ja suunnitellut vaatteita. Ei ole mikään yllätys, että päädyin valitsemalleni alalle, vaikka en vieläkään tiedä onko tämä "se juttu", mitä teen loppuelämäni. Vaikka tahtoisin esiintyä työkseni ja saada nimeä, en haluaisi olla julkkis. En kestäisi sitä jatkuvaa arvostelua ja huomionkeskipisteessä olemista. Hyvin ristiriitaista - tiedän.


Olipas noita vaikea keksiä. Haluaisin jakaa teidän kanssanne vielä lopuksi erään loistavan saksalaisen (yllätys) bändin musiikkia. Olin unohtanut Dioraman jo hetkeksi, mutta tällä viikolla se palasi taas soittolistani kärkikastiin, eikä ole sieltä aivan heti poistumassa. Mikäli Diary of Dreams iskee teihin, niin suosittelen nauttimaan myös Dioraman synkistä sävelistä. Bändeissä on hyvin paljon yhtäläisyyksiä, mutta ne erottaa silti helposti toisistaan (ainakin minä erotan). Tässä ehdoton hittibiisi, josta tekstin otsikkokin on napattu. Toivottavasti edes joku sai tästä uuden musiikillisen rakkauden:

Monday, October 24, 2011

Trespass -2011

பல சமயங்களில் நம் உறவுகளின் பலம் பற்றித் தெரியாது. அதைப் பற்றி கவலை கூட பட்டிருக்க மாட்டோம். ஆனால் ஒரு ப்ரச்சனை என்று வரும் போது அந்த உறவுகள் பற்றிய அத்துனை விஷயங்களும் நமக்கு தெரியவரும். துன்பம் வரும் போதுதான் நிஜ நண்பர்கள், உறவுகள் பற்றி அறிந்து கொள்ள முடியும் என்று சொல்வார்கள். அதை அடிப்படையாய் வைத்து வெளிவந்திருக்கும் படம் தான் இது. நிகலோஸ் கேஜ், நிக்கோல் கிட்மென், பிரபல இயக்குனர் ஜோல் ஷுமேக்கர் என்று எதிர்பார்பை ஏற்படுத்தும் ஸ்டார் காஸ்ட்.


கேஜ் ஒரு பெரும் பணக்கார வைர வியாபாரி. அவருடய அழகிய மனைவி நிக்கோல் கிட்மென். இவர்களுக்கு ஒரு டீன் மகள். எல்லா அமெரிக்க டீன் பெண்களைப் போலவே பெற்றோர்களை எதிர்த்துக் கொண்டு, பார்ட்டிக்கு செல்வதில் ஆர்வம் காட்டுபவள். இவர்களின் பங்களா முழுவ்தும் எலக்ட்ரானிக் செக்யூரிட்டி சிஸ்டத்தினால் ஆனது. அப்படிப்பட்ட பாதுகாப்பான வீட்டில் போலீஸ் உடையில் உட்புகுந்து விடுகிறார்கள் திருடர்கள். கேஜையும், நிக்கோல் கிட்மெனையும் பணயக் கைதியாய் வைத்து வீட்டை கொள்ளையடிக்க முயற்சிக்கிறார்கள்.  வந்தவர்களில் ஒருவனை கிட்மெனுக்கு தெரியும்.  திருடர்கள் வருவதற்கு முன்பே பெற்றோர்களுக்கு தெரியாமல் சுவரேறி குதித்து பார்ட்டிக்கு போகும் பெண் திடீரென பாதி பார்டியில் வீட்டிற்கு திரும்பி வந்து மாட்டிக் கொள்கிறாள். வந்திருக்கும் திருடர்களுக்கு இங்கு கொள்ளையடிக்க வந்திருப்பது அவர்களது வேறு ஒரு ப்ரச்சனையால். இவர்களின் ப்ரச்சனை எப்படி முடிந்தது என்பதை டிவிடியிலோ, அல்லது தியேட்டரிலோ பார்த்துக் கொள்ளவும்.

வழக்கமாய் ஜோல் ஷுமேக்கரின் படங்களில் வரும் ஹீரோ ப்ரச்சனைகளை தனியொரு மனிதனாய் தானே நின்ற தானைத் தலைவனாய் சால்வ் செய்வான். இதில் கொஞ்சம் வித்யாசம். இங்கேயும் தானே நிற்க முயற்சித்தாலும் கடைசியில் குடும்பம் தான் பெரியது என்பதை நிருபிப்பது தான் கதை என்பதால் இன்னும் கொஞ்சம் எம்பஸைஸ் செய்து சொல்லியிருக்கிறார். அதே போல திருட வரும் கேரக்டர்களின் அமெச்சூர்தனங்களுக்கான காரணங்கள் ராமநாராயணன் படங்களை விட மோசம். கட்டாயத்திற்காக திருட வந்து ப்ரச்சனையில் மாட்டிக் கொண்டு மீளவும் முடியாமல், செயல் படுத்தவும் முடியாமல் அல்லாடுவது வழக்கமான ஒன்றுதான் என்றாலும், கேஜ் தன்னுடய வைரங்களை திருடினாலும் விற்க முடியாது என்று சொல்லும் காரணங்கள், தான் பேங்கை ஏமாற்ற செய்யும் ஆடம்பரங்கள், அவளூக்கு கொடுத்த போலி வைர நகைகளை பற்றிய கன்பஷன்கள் என்று ஆங்காங்கெ வரும் ட்விஸ்டுகள் இண்ட்ரஸ்டிங்.

கேஜ் வழக்கம் போல சரியாக இந்த கேரக்டரில் பொருந்திக் கொள்கிறார். அதே போல கிட்மெனும். ப்ளாஷ்கட்டில் கிட்மெனுக்கும், வந்திருக்கும்  திருடர்களில் ஒருவனுக்குமான ஒரு குட்டிக் கதையில் கிட்மென் ராவிஷிங்க். 

டெக்னிக்கலாய் சொல்ல பெரிதாய் ஏதுமில்லை. ஒரே ஒரு செட்டில் முழுக்க முழுக்க எடுத்திருக்கிறார்கள். திரும்ப, திரும்ப ஆளாளுக்கு மிரட்டிக் கொண்டெயிருப்பதும், பணயக் கைதிகளாய் கேஜையும், கிட்மெனையும் தங்கள் வசம் வைத்த பின்பும், கேஜிடம் பணத்தை கொடுக்கச் சொல்லி கெஞ்சுவது, “வேனெலலாம் வச்சி கடத்தியிருக்கோம். ஏதாவது செய்யுங்க” என்று கெஞ்சுகிற ரேஞ்சில் இருப்பது காமெடி. இந்த ப்ரச்சனையின் காரணமாய், மனைவி லேசாய் சபலப்பட்டதும், கணவன் தன் குடும்பத்தை கவனிக்காமல் வியாபாரம் வியாபாரம் என்று சுற்றியதைப் பற்றியும், தன் பெற்றோர்களின் த்ன் மீது வைத்திருக்கும் அன்பைப் பற்றி அவர்களது மகள் புரிந்து கொள்வதும் என்று நிறைய ட்ராமாக்கள் ஆரம்பித்த சுவாரஸ்யத்தை கெடுக்கவே செய்கிற்து.

அப்படி என்ன இருக்கிறது இந்த திரைக்கதையில் என்று இந்த மாபெரும் நடிகர்கள் ஒத்துக் கொண்டு நடித்தார்கள் என்று தெரியவில்லை.  ஆனால் இந்த நடிகர்களால் தான் படத்தை பார்க்க முடிகிறது. படத்தை ஆரம்பிப்பதற்கு முன்பே கேஜ் விலகிக் கொள்வதாய் இருந்தாராம். ஹீரோவுக்கு பதிலாய் இதில் வரும் ஒரு முக்கிய திருடன் கேரக்டரில் நடிக்க விருப்பப்பட்டாராம். நடித்திருந்தால் நன்றாக இருந்திருக்கும். ஒரு அருமையான திருடன் கேரக்டர் படத்தில் இருக்கிறது. குறைந்த தியேட்டர்களில் வெளியான இப்படம் வெளியான நாள் அன்றே வீடியோ ஆன் டிமாண்ட்டில் வெளியிட்டு விட்டார்களாம். இன்னும் இரண்டு வாரங்களில் வீடியோவும் ரிலீஸ் செய்யப் போவதாய் தகவல். ஒரு கட்டத்திற்கு பிறகு பல படங்களில் பார்த்த காட்சிகளே வருவதால் சுவாரஸ்யம் குன்றித்தான் போகிறது.
Trespass - No..Need to
சங்கர் நாராயண் @கேபிள் சங்கர்

Sunday, October 23, 2011

We are the only ones right now that are celebrating

Useamman rauhallisen kotiviikonlopun jälkeen, olin jo perjantaina töissä hyvin levoton. Odotin vain iltaa ja tulevaa Covenantin keikkaa. Ruotsalainen Covenant esiintyi useamman vuoden tauon jälkeen Suomessa ja koska missasin viimeksi Suomen keikan, otin perjantaina vahingon takaisin. Keikalle lähdin Tiinan kanssa, jonka tapasin Kaapelitehtaalla hieman ennen keikan alkua.


Tytöt ja ES <3 

Kyseessä ei ollut kuitenkaan ensimmäinen kerta, kun näen Covenantin livenä. Bändi tuli nimittäin nähtyä kesäkuussa WGT:ssä ja vaikka Suomen keikka ei ollutkaan yhtä tajunnanräjäyttävä, niin en voi sitä moittiakaan. Bändi veti täysillä alusta loppuun ja soitti suosikkikappaleet odotetusti. Keikan katsoin eturivistä keskeltä eli kerrankin näinkin jotain lavalle. Sain myös pitkästä aikaa ikuistettua keikkakokemuksia kamerallani, vaikka tunnelma ei täysin kuvista välitykään.


Pohdimme ennen keikkaa, että lähtisimme jatkamaan iltaa vielä Helsingin keskustan kuppiloihin, mutta koska kello oli noin yksi yöllä ennen kuin keikka saatiin päätökseen, totesin että on parempi hipsiä kohti bussipysäkkiä. Olin kuitenkin herännyt aikaisten aamulla ja ollut päivän töissä, joten väsymys alkoi painaa ja jalat huusivat tuskaansa monen tunnin tanssimisen jälkeen.


Ollessamme pukemassa päällysvaatteita yllemme aulassa, sattui eräs vähintään omituinen välikohtaus. Joku täysin tuntematon mies tuli selittämään minulle, miten pvc-vaatteideni takia on tapettu 500 ihmistä. Syytti minua ihmisten tappamisesta ja poistui ilman mitään selityksiä takavasemmalle. Tiina alkoi nauramaan miehelle ja itse tuijotin silmät suurina miehen perään. Kyllä minä tiedän, että pvc ei ole maailman ekologisin materiaali, mutta kuka länsimaalainen voi väittää olevansa täydellinen ekologisuuden suhteen? Mielestäni jokainen voi tehdä jotain ja yksikin pieni teko on askel oikeaan suuntaan. Ja miten älykkään kuvan ihminen antaa itsestään, että tulee arvostelemaan tuntematonta ihmistä perustelematta väitettään mitenkään, eikä anna toiselle edes mahdollisuutta sanoa mitään takaisin? En koskaan lakkaa ihmettelemästä ihmisten typeryyttä.

Ja tässä 500 ihmistä tappanut asu:

Paita, shirt - GinaTricot
Korsetti, corset - Second hand
Hame, skirt - Lip Service, Wave Gotik Treffen, Germany
Sukkahousut, stockings - ?
Kengät, shoes - Pleaser

Odotellessani pysäkillä bussia tuli seuraava mies kommentoimaan asuani. Tällä kertaa tosin kommentit olivat pelkästään positiivisia ja puhuimme niitä näitä pidemmän aikaa. Mies oli oikein sympaattinen tapaus ja olisin voinut jutella hänen kanssa vielä pidempäänkin, mutta bussini saapui ja minun täytyi lähteä kotia kohti. Ja uskokaa tai älkää, mutta päästessäni bussiin joku känninen teinipoika tuli myös kommentoimaan vaatteitani. Tiedusteli mistä olen ostanut vaatteeni ja miltä minusta tuntuu, kun pukeudun niihin. Huoh. Pieni määrä huomiota illassa on ihan mukavaa ja kehuista tulee hymy kasvoille, mutta perjantaina huomiota oli aivan liikaa yhdelle illalle. Loppumatkan sitten juttelinkin bussissa erään jenkkiläisen vaihto-oppilaan kanssa ja kerrankin bussimatka taittui nopeasti. Väsyneenä, mutta hyväntuulisena raahauduin kotiovelleni ja olin vieläkin hieman ihmeissäni illan/yön tapahtumista. Tapahtumarikas ilta kaiken kaikkiaan.

Jos Covenant ei ole tuttu ennestään, niin suosittelen tästä kuuntelemaan muutaman hittibiisin. Jos nämä eivät saa tanssijalkaa vipattamaan, niin ei mikään.


கொத்து பரோட்டா -24/10/11

தமிழ் சினிமா என்கிற பொன் முட்டையிடும் வாத்தை விநியோகஸ்தர்களும், தியேட்டர் அதிபர்களும் அறுத்துக் கொண்டிருக்கிறார்கள். ஏற்கனவே நான் நிறைய முறை டிக்கெட் கட்டணங்களை நியாய விலைக்கு விற்பனை செய்ய வேண்டிய தேவை என்ன? என்பதைப் பற்றி எழுதியிருக்கிறேன். சென்ற ஆட்சியில் தான அவர்கள் குடும்பம் வியாபாரம் செய்தது அதற்கு ஆதரவு தெரிவித்தார்கள் என்று கூறினார்கள். இந்த ஆட்சியில் வரிவிலக்கை ஆல்மோஸ்ட் ரத்து செய்து, வரியை டபுளாக்கியதை தவிர வேறேதும் இல்லை. ஆனால் அந்த வரி அரசுக்கு செல்லுமா? என்றால் அது இல்லை. ஒவ்வொரு தியேட்டரும் 120யிலிருந்து 300 ரூபாய் வரை மக்களிடம் கொள்ளையடிக்கிறார்கள். பல தியேட்டர்களில் அந்த விலை வைக்க அரசாணையே கிடையாது. கேட்டால் வாய் மொழி உத்தரவு என்கிறார்கள். சில மல்ட்டிப்ளெக்ஸ் திரையரங்கத்தில் டிக்கெட்டுடன் சாப்பாட்டை கட்டாயம் வாங்கியே ஆகவேண்டிய நிலைக்கு ரசிகர்களை தள்ளுகிறார்கள். நிஜத்தில் கடைசியாய் நம் அரசாணைப் படி ஒவ்வொரு தியேட்டரும் வாங்க வேண்டிய டிக்கெட் விலை என்ன தெரியுமா? http://www.tn.gov.in/stationeryprinting/gazette/2009/22-III-1(a).pdf கீழே கொடுக்கப்பட்டுள்ள விலையில் தொழில் நடத்த முடியுமா? என்று கேட்பவர்களுக்கு ஆந்திராவில் இன்றைக்கும் ஒரு ஏசி, டி.டி.எஸ் தியேட்டரில் பால்கனி டிக்கெட் 50 ரூபாய்க்கு பார்க்க முடியும். ப்ரசாத போன்ற மல்ட்டிப்ளெக்ஸில் 70-80 ரூபாயில் படம் பார்க்க முடியும். சமீபத்தில் புத்தூரில் ஒரு தெலுங்கு படம் பார்க்க போனேன். அங்கு டிக்கெட் விலை வெறும் 35 ரூபாய்தான்.
Maximum rates as detailed below:—
Rates of Admission             A/c Theatre           Non A/c Theatre
Municipal Corporation:
Minimum                                         Rs. 10/-               Rs. 7/-
Maximum                                         Rs. 50/-             Rs. 30/-
Municipalities:
Minimum                                             Rs. 5/-             Rs. 4/-
Maximum                                          Rs. 40/-             Rs. 30/-
Town Panchayats:
Minimum                                                Rs. 5/           - Rs. 4/-
Maximum                                               Rs. 25/-         Rs. 20/-
Village Panchayats:
Minimum                                               Rs. 5/-            Rs. 4/-
Maximum                                              Rs. 15/-          Rs. 10/-
################################################

எஸ்.சி.வியின் ஆதிக்கத்தை அடக்குவதற்காக ஆரம்பிக்கப்பட்டதாக சொல்லப்படும் அரசு கேபிள் வெற்றியா இல்லையா என்ற குழப்பம் எல்லா இடத்திலும் இன்னமும் இருக்கத்தான் செய்கிறது. இன்னும் நிறைய ஊர்களில் பழைய எம்.எஸ்.ஓக்களே கண்ட்ரோல் ரூம் வைத்திருக்கிறார்கள். இன்று வரை அரசு கேபிளில் சன் குழும சேனல்கள் இடம் பெறவில்லை என்றாலும் எல்லா ஊர்களிலும் சன் டிவி தெரிந்து கொண்டுதானிருக்கிறது. பைரஸி சிக்னல்களைத்தான் கொடுத்துக் கொண்டிருக்கிறார்கள். சன்னை காட்டக்கூடாது என்று சொன்னால் அரசு கேபிளின் நிலை மோசமாகி விடும் என்பதால் அவர்களும் ஆப்பரேட்டர்கள் பைரஸியில் ஓட்டுவதை கண்டு கொள்ளவில்லை. பைரஸியை பற்றிய பேச்சை எடுத்தால் சேனலின் இருப்பு ப்ரச்சனையாகிவிடும் நிதி தரப்பு அமுக்கி வாசிக்கிறார்கள். இந்நிலையில் தமிழில் மேலும் இரண்டு நியூஸ் சேனல்களும், இரண்டு மியூசிக் சேனலும், இன்னும் சில வடநாட்டு கார்பரேட் சேனல்களின் தமிழ் வர்ஷன்களும் வரவிருக்கின்றன. வெயிட் அண்ட் சீ.
#############################################
விரைவில் வெளிவர இருக்கும் தன்னுடய புதிய நாவலான “எக்ஸைல்” குறைந்த பட்சம் 50,000 பிரதிகளிலிருந்து ஒரு லட்சம் பிரதிகள் விற்பனையாகும் என்று எழுத்தாளர் சாருநிவேதிதா சொல்லியிருக்கிறார். அது பற்றி ஆளாளுக்கு க்ரிட்டிக்கலாய் பல விதமாய் சொன்னாலும், நல்ல மார்க்கெட்டிங்கும், ப்ரோமோஷனும் இருந்தால் நிச்சயம் அவர் அசைப்பட்டத்தில் கால்வாசியாவது ரீச் செய்துவிட முடியுமென்பது என் எண்ணம். எதை வைத்து சொல்கிறேன் என்றால் என்னுடய முதல் சிறுகதை தொகுப்பான “லெமன் ட்ரீயும்.. ரெண்டு ஷாட் டக்கீலாவும்” புத்தகம் வெளியான ஒரு வருடத்தில் முதல் பதிப்பான 500 பிரதிகள் விறறு இரண்டாம் பதிப்பும், இரண்டாவது புத்தகமான சினிமா வியாபாரம் வெளியான ஒரே மாதத்தில் முதல் ஐந்நூறு பிரதிகள் விற்றதும், மேலும் சில ஆயிரம் பிரதிகள் விற்றிருப்பதும், என்னுடய முதல் குறுநாவலான “மீண்டும் ஒரு காதல் கதை” நன்றாக விற்றுக் கொண்டிருப்பதையும் வைத்து சொல்கிறேன்.  இலக்கியத்தைப் பற்றி ஏதும் அறியாத என் புத்தகங்களே விற்கும் போது. தமிழில் உள்ள சிறந்த எழுத்தாளர்களில் ஒருவராக விளங்கும் சாருநிவேதிதாவின் புத்தகம் நிச்சயம் விற்கும் என்பது என் எண்ணம்.
##################################################
சேத்தன் பகத்தின் “Revolution2020" வெளியான நாள் அன்றே அரை மில்லியன் காப்பிக்கள் விற்றிருப்பது வைத்துப் பார்க்கும் போது சேத்தன் பகத்தை இந்திய பல்ப் உலகின் மன்னன் என்று தான் சொல்வதை ஒத்துக் கொள்ளத்தான் வேண்டும். இவரது கால்செண்டர் நாவலை படித்து விட்டு எல்லா நாவல்களையும் வாங்கிப் படித்தேன். மிக சுவாரஸ்யமாய், பெரிய உலக இலக்கியமெல்லாம் எழுதுகிறேன் என்று டிக்‌ஷனரியை வைத்து படிக்க வைக்காமல் சுலப ஆங்கிலத்தில் நம்மை அதனுள் கலக்க வைப்பவர். இவரது ரெவ்வல்யூஷன் 2020 புத்தகத்தை வாங்கிப் படித்துவிட்டேன். அதன் விமர்சனம் விரைவில்.
 ############################################
சென்ற வாரம் ஒரு பெரிய இயக்குனரின் படத்தில் நான் வேலை செய்வதாய் கிசுகிசு போல சொல்லியிருந்தேன். ஆனால் அது உலகறிந்த ரகசியம் என்பதை இரண்டு மூன்று இணையதளங்களில் செய்தியாய் வந்துபின் தான் தெரிந்தது.  அந்த இயக்குனர் சுந்தர்.சி. அவர் இயக்கப் போகும் ‘மசாலா கஃபே” என்கிற முழு நீள காமெடி படத்தில் இயக்குனர் பத்ரியோடு வசனமெழுதிக் கொண்டிருக்கிறேன். ஒரு அவுட் அண்ட் அவுட் காமெடியை நிச்சயம் எதிர்பார்க்கலாம். வாய்ப்பை நல்கிய இரண்டு இயக்குனர்களுக்கும் நன்றிகள் பல.
###################################################
நாம் தான் இங்கு வில்பர் சர்குணராஜைப் பற்றி காமெடியாய் கிண்டலடித்துக் கொண்டிருக்கிறோம். ஆனால் மனுஷனுக்கு உலகமெல்லாம் பெரிய வரவேற்பு இருக்கிறது என்பதற்கு இந்த வீடியோவே ஒரு உதாரணம்.:))

###########################################
ப்ளாஷ்பேக்
ரவீந்தரன் மலையாள சினிமாவில் மிகப் பிரபலமான இசையமைப்பாளர். இவரது இசையில் வெளியான திரைப்பட பாடல்களின் ஹிட் வரிசை மிகப் பெரியது. இவர் எனக்கு தெரிந்து இசையமைத்த ஒரே தமிழ் படம் சத்யராஜ் நடித்த “ரசிகன் ஒரு ரசிகை” தான். ஜேசுதாஸின் மயக்கும் குரலில் அருமையான க்ளாசிக்கல் பாடல்களை கொண்ட படம். இப்படத்தில் வரும் இந்த இரண்டு பாடல்களும் அற்புதமான காம்போசிஷன்கள். 


##########################################
யுடான்ஸ் கார்னர்.
பதிவர்களுக்காக பதிவர்களால் நடத்தப்படும் யுடான்ஸ் திரட்டியின் சார்பாக  நிகழ்ந்து கொண்டிருக்கும் “சவால் சிறுகதை போட்டி"க்கான சிறுகதையை அனுப்ப இன்னும் எட்டு தினங்களே உள்ளது. உடன் உங்கள் சிறுகதைகளை எழுதி அனுப்புங்கள். இன்னுமொரு சிறப்பு செய்தி. போட்டியில் வெற்றி பெறுபவர்களுக்கான யுடான்ஸ் தரும் மூவாயிரம் ரூபாய்க்கான புத்தக  பரிசை தவிர மேலும் சில சிறப்பு பரிசுகளை டிஸ்கவரி புக் பேலஸ் வழங்கவிருக்கிறது என்பதை மகிழ்ச்சியுடன் தெரிவித்துக் கொள்கிறோம்.
#########################################
தத்துவம்
If a girl in love her parents ask "who is that idiot?". If a boy in love. His parents ask "Idiot. who is that girl?" Moral: No matter whoever in love boyz are always IDIOTS

எப்போதும் நாம் இதனால் பாதிக்கப்பட்டுவிடுவோமோ? அதனால் பாதிக்கப்பட்டுவிடுவோமோ? என்று கற்பனை செய்தே பல சமயம் பயந்து கொண்டிருக்கிறோம். பல சமயங்களில் நிஜத்தை விட கற்பனைகளுக்கான வீரியம் குறைவு என்று புரியாமல்.
##############################################
அடல்ட் கார்னர்
சின்னபையன் செக்ஸ் எஜுகேஷன் க்ளாஸுக்கு போனான். அப்போது டீச்சர் போர்டில் லுல்லா படத்தை வரைந்து இது என்னன்னு தெரியுமா? என்று கேட்டார்கள். உடனே சின்னப்பையன் ஆர்வமா கையத் தூக்கினான். டீச்சர் அவனை என்னன்னு சொல்லச் சொன்னாங்க. சின்னப்பையன் “இதும் பேரு லுல்லா டீச்சர். என் அப்பாவுக்கு ரெண்டு இருக்குன்னான். டீச்சருக்கு ஆச்சர்யமா போயிருச்சு. அதெப்படின்னு கேட்க, சின்னப்பையன் சொன்னான் “ காலையில உச்சா போறதுக்கு சின்னதா ஒண்ணும், ராத்திரி அம்மா பல் தேய்க்க பெரிசா ஒண்ணும் வச்சிருக்காருன்னான்.
சங்கர் நாராயண் @கேபிள் சங்கர்
டிஸ்கி: தொடர்ந்து தியேட்ட்ர்களில் அதிக விலை விற்பனை பற்றி எழுதிக் கொண்டிருக்கிறேன். அது மட்டுமில்லாமல் கேட்டால் கிடைக்கும் குழுமத்தின் மூலமாகவும் அரசு அதிகாரிகளுக்கு தெரியப்படுத்திக் கொண்டிருக்கிறோம். நேற்று கோவையில் கங்கா திரையரங்கத்தின் லைசென்ஸை அதிக விலைக்கு விற்றதாய் சொல்லி கேன்சல் செய்திருப்பதாய் தகவல் வந்திருக்கிறது. 

Friday, October 21, 2011

Oosaravelli

ovreview1 சமீபகாலமாய் தெலுங்கு பெரிய பட்ஜெட் படங்கள் எல்லாம் மரண அடி பெற்றுக் கொண்டிருந்த நேரத்தில் மகேஷ்பாபுவின் தூக்குடு வந்து கொஞ்சம் காப்பாற்றியது. எப்படி நம்ம மங்காத்தா தல அஜீத்துக்காக பார்த்தோமோ அதே நிலையில் தான் தூக்குடுவும். அந்த வரிசையில் இப்போது ஜூனியர் என்.டி.ஆர். சுரேந்திர ரெட்டி, தேவி ஸ்ரீ பிரசாத் என்று ஜாம்பவான்களின் அணிவகுப்பு பெரிய எதிர்பார்ப்பை ஏற்படுத்தியிருந்தது.
டோனி ஒரு பெண்ணை காஷ்மீரில் ஆபத்திலிருந்து காப்பாற்றுகிறான். அவளை ஹைதராபாத் வரை தொடருகிறான். அவள் மேல் காதல் கொள்கிறான். அவள் பெயர் நிஹாரிகா. பேஷன் டிசைனர். ஆனால் அவளுக்கோ பிரபல அரசியல்வாதி மகன் ராகேஷின் மீது காதல். அவன் மீதான காதல் தெரிந்து தன்னை காதலிக்க சொல்லி அவளுடன் சுற்றுகிறான். டோனியின் செய்யும் ஒரு கொலையை  நிஹாரிகாவின் தோழி பார்த்து விடுகிறாள். நிஹாரிகாவிடம் சொல்லப் போவதாய் சொல்ல, தான் இந்த கொலைகளை செய்வதே நிஹாரிகாவுக்காகத்தான் என்கிறான். டோனி யார்? நிஹாரிஹா யார்? எதற்காக டோனியை நிஹாரிஹா ஃபிக்ஸ் செய்கிறாள்? என்பதை போன்ற கேள்விகளுக்கு வெள்ளித்திரையில் பதில் சொல்வார்கள்.
Oosaravelli-movie-stills-cf-02 ஜூனியர் என்.டி.ஆர் வழக்கம் போல துறுதுறுவென ஆடுகிறார். பாடுகிறார். காமெடி செய்கிறார். தன் ஸ்கீரின் ப்ரெசென்ஸை சரியாய் பயன்படுத்துகிறார். கொஞச்ம் வெயிட் போட்டிருக்கிறார் என்ற் தோன்றுகிறது. ஆக்‌ஷன் காட்சிகளை விட காமெடி காட்சிகள் மனிதர் ஒரு துள்ளு எக்ஸ்ட்ராவாகத்தான் துள்ளூகிறார்.

தமன்னாவுக்கு செம ஸ்ட்ராங் கேரக்டர். வழக்கமாய் மாஸ் ஹீரோ படங்களில் ஹீரோயின்களூக்கு பெரிய வேலையிருக்காது. ஆனால் இதில் நல்ல கேரக்டர். இரண்டு ஷேடுகளில் நடிக்க நல்ல வாய்ப்பு அதை நன்றாக பயன்படுத்தியிருக்கிறார். சில காட்சிகளில் செம க்யூட்டாக இருக்கிறார்.

இவர்களைத் தவிர பிரகாஷ்ராஜ், ஷாயாஜி ஷிண்டே, ஜெயபிரகாஷ் ரெட்டி, ராம்பாபு, தனிகலபரணி என்று ஏகப்பட்ட நடிகர்கள் லிஸ்ட். ஆளாளுக்கு நாலு காட்சிகள் வந்து போகிறார்கள். ஜெயபிரகாஷ் ரெட்டி, ராம்பாபு, ஜூனியர் என்.டி.ஆரின் காமெடி காட்சிகளில் லாஜிக் என்பது கிஞ்சித்தும் இல்லாது இருந்தாலும் ஓகே.
ovreview2 ரசூல் எல்லூரின் ஒளிப்பதிவு ஓகே. ஸ்பெஷலாய் ஏதும் சொல்வதற்கில்லை. வழக்கமாய் சுரேந்திர ரெட்டியின் படத்தில் இருக்கும் ஸ்டைலிஷ்னஸ் இதில் மிஸ்ஸிங்.  Vegence என்ற ஆங்கில பட காட்சிகளை ஆங்காங்கே நினைவூட்டுகிறார்கள். தேவி ஸ்ரீ தேவியின் இசையை பற்றி பெரிதாய் சொல்ல ஏதுமில்லை.
Oosaravelli-movie-stills-cf-01 பெரிய நடிகர்களுக்கு கதை பண்ணுவது என்பது அவ்வளவு சுலபமான விஷயமில்லை. மிகவும் மெனக்கெட வேண்டும். லைட்டாகவும் படமெடுத்துவிட முடியாது. அதே போல அவர்களை வைத்து டெஸ்ட் செய்யவும் முடியாது. மாஸ் மக்களுக்கு பிடித்தாக வேண்டிய கட்டாயம் என்று ஏகப்பட்ட  விஷயங்கள் இருக்கிறது. அதிலும் அதனொக்கடே என்ற ஒரு படத்தின் மூலமாய் தெலுங்கில் பெரிய இடத்துக்கு வந்தவர் இயக்குனர் சுரேந்திர ரெட்டி. அதன் பிறகு மகேஷ்பாபுவை வைத்து கூட ஹிட் கொடுக்க முடியவில்லை.  அப்படம் மகேஷ் பாபுவின் கேரியரில் மிக ஸ்டைலிஷாக எடுக்கப்பட்ட படம். கடைசியில் ரவிதேஜாவை வைத்து கிக் கொடுக்க, இப்போது ஜூனியர் என்.டி.ஆர்.  அவரை ஒரு பெரிய வீரனாகவும் காட்ட வேண்டும். நெகட்டிவ் ஷேடான ரவுடி, பெயிட் கில்லர் என்றும் உருவகப் படுத்தவேண்டும். இன்னொரு பக்கம் வழக்கமான ரன் ஆப் த மில் விஷயங்களையும் போட்டு குலுக்கி படம் செய்ய வேண்டும் என்கிற கட்டாயம் வரும் போது திரைக்கதை என்கிற வஸ்துவை தொலைத்துவிடுகிறார்கள்.   அப்படி தொலைத்த காரணத்தால் கதை ஹேவயராய கண்ட மேனிக்கு திரிகிறது. ஒரு கதை, அந்த கதைக்குள் கதை என்று. உலகமே நடுங்கும் வில்லனை பப்பர்முட் பாப்பாவாக்கி இவர்கள் போடும் க்ளைமாக்ஸ் அபத்தங்களையெல்லாம் தெலுங்கு படத்தில் மட்டுமே பார்க்க முடியும்.
சங்கர் நாராயண் @கேபிள் சங்கர்

Thursday, October 20, 2011

எண்டர் கவிதைகள் -19


பால்கனியின் ஜன்னலை

பூட்டுப் போட்டு வைத்திருக்கிறேன்

எதிர்வீட்டு இளைஞனோடு 

அவள் ஓடாதிருக்க

பூட்டிற்கு வெளியே தெரு 

விளக்கொன்று மினுக்கி

 மினுக்கி எறிகின்றது

இருட்டினிலிருந்து பார்த்தாலும்

வெளிச்சம் மின்னத்தான் செய்கிறது

அவளுக்கு அவன் சிகரெட் முனையும்

அவனுக்கு அவள் மூக்குத்தி ஒளியும்

உடைகளை களைந்து பூட்டி வைத்தேன்

இருட்டில் நிர்வாணம் பொருட்டல்ல

மனமே பிரதானமென்று

 பூட்டியும் பிரயோஜனமில்லை
சங்கர் நாராயண் @கேபிள் சங்கர்

Followers

Loading...

Blog Archive