Pages

slokez Apple, slokez Google, slokez Microsoft, slokez Bing, slokez alexa

Wednesday, August 31, 2011

மங்காத்தா.

aj-08 டூயட் பாடவில்லை, ஏழை குழந்தைகளை தூக்கி வைத்து, ஆயாக்களை கட்டிக் கொண்டு பாடவில்லை. நான் வளர்ந்ததே உன்னால்தான் என்று பார்வையாளர்களை பார்த்து பாடவில்லை. ஆனால் இதுவெல்லாம் இல்லாமல் அஜித் ஒரு அஜித் படம். பல சமயங்களில் ஓவர் பில்டப் சொதப்பிவிடும். ஆனால் அதே சமயம் ஓவர் பில்டப் சும்மா எகிறி அடித்து தூள் பரத்தவும் செய்யும். மங்காத்தா ரெண்டாவது வகை. சும்மா அடித்து தூள் பரத்தியிருக்கிறார்கள்.


aj-09 டி20 பைனலை வைத்து ஆடப்படும் கிரிக்கெட் சூதாட்ட பணமான 500 கோடியை போலீஸ் ப்ரச்சனை காரணமாய் ஊரில் சினிமா தியேட்டர் வைத்துக் கொண்டு தில்லாலங்கடி வேலை செய்யும் ஜெயப்ரகாஷ் மூலமாய் ட்ரான்ஸாக்‌ஷன் செய்ய நினைத்திருக்க, அந்த பணத்தை கொள்ளையடிக்க அவரிடம் வேலை செய்யும் வைபவ், ஒரு போலீஸ் இன்ஸ்பெக்டர், பிரேம்ஜி, பிரேம்ஜியின் பார் ஓனர் நண்பன் என்று எல்லோரும் சேர்ந்து ப்ளான் செய்திருக்க, நடு ப்ளானில் ஆட்டத்தில் நுழைகிறார் அஜித். அதை எப்படி கொள்ளையடித்தார்கள்? அப்புறம் என்ன நடந்தது என்பதை வெள்ளித்திரையில் பாருங்கள்.
44 நிஜமாகவே ரொம்ப நாள் ஆச்சு அஜித்தின் பர்மாமென்ஸை பார்த்து. சால்ட் அண்ட் பெப்பர் ஹேர் ஸ்டைலில், நாற்பது வயது ஆள் என்று தன்னை அறிமுகப்படுத்திக் கொள்ளூம் கேரக்டர் செம. முதல் நாள் ராத்திரி போதையில் லஷ்மிராயை கூட்டி வந்து பொரட்டி எடுத்துவிட்டு கேர்ள் ப்ரெண்டான திரிஷாவுடன் சல்லாபிக்கும் இடத்தில் ஆரம்பித்து, மெல்ல, மெல்ல தன் ஆளுமையை அழுத்தமாய் பதித்திருக்கிறார் அஜித். அதிலும் இடைவேளைக்கு முன் ஆட்டத்தை ஆட தனியாய் செஸ் போர்டின் முன் உட்கார்ந்து கொண்டு பேசும் காட்சிகளூம், இரண்டாவது பாதியில் பண வெறி பிடித்தலையும் காட்சிகளும் நல்ல பெர்மாமென்ஸ். முழுக்க முழுக்க அஜித்தின் ராஜ்யம் தான். வெங்கட் பிரபு டீம் முழுவதும் அஜித்தை ஆராதிக்கும் ஆட்களாக இருப்பார்கள் போலிருக்கிறது. சும்மா உட்காருகிற நிற்கிற ஷாட்டுகளில் எல்லாம் என்னன்ன செய்ய முடியுமோ அத்துனை டெக்னிக்குகளையும் உபயோகித்து பில்டப் செய்திருக்கிறார்கள்.
51 அர்ஜுன்க்கு போலீஸ் கேரக்டர். வழக்கம் போல ரெண்டு காட்சிக்கு ஒரு முறை சீரியஸாய் வருகிறார். துப்பாக்கியால் சுடுகிறார். காரில் துரத்துகிறார். படத்தில் லஷ்மிராய், திரிஷா, அஞ்சலி ஆகியோர் இருந்தாலும் லஷ்மிராய்க்கு கிடைத்திருக்கும் ஸ்கிரீன் ப்ரெசென்ஸ் வேறு யாருக்கும் கிடைக்கவில்லை. என்னா ஒரு இடுப்புடா? அஞ்சலிக்கு இன்னொரு வெத்து கேரக்டர். வெங்கட் பிரபுவின் ஆஸ்தான நடிகர்கள் அனைவருமே இதிலும் ஆஜர். கொஞ்சம் சலிப்பாக இருக்கிறது. முக்கியமாய் ப்ரேம்ஜி அமரன். கொஞ்சம் சலிக்க ஆரம்பித்துவிட்டார். ஜாக்கிரதை வெங்கட் பிரபு.
43 படத்திற்கு மிகப் பெரிய பலம் சக்தி சரவணின் ஒளிப்பதிவு. அஜீத்தின் ஸ்கீரின் ப்ரெசென்ஸை அருமையாய் பிரதியெடுத்திருக்கிறார். ஸ்ரீகாந்தின் எடிட்டிங் சில பல இடங்களில் கண்களை உறுத்துகிறது. யுவனின் இசையில் மங்காத்தா டைட்டில் மீசீக்கும், ஒரு பாடலும் கேட்க நன்றாக இருக்கிறது. ஆனால் படத்தின் வேகத்திற்கு பெரிய தடையாய் இருப்பது பாடல்கள் தான். ஒட்டவேயில்லை.  பின்னணியிசையில் மிஷன் இம்பாஸிபிள் ட்ராக்கையெல்லாம் தூசு தட்டி போட்டிருப்பது வேடிக்கையாய் இருக்கிறது. இத்தனைக்கு கார்த்திக் ராஜா வேறு வேலை செய்திருக்கிறார் பின்னணியிசையில்.
40 வெங்கட்பிரபுவின் ஆட்டம் என்று டைட்டிலில் போடுகிறார்கள். ஓஷன் 11, ஹீட், பேங்க் ஜாப் போன்று இன்னும் சில படங்களிலிருந்து எல்லாம் உட்டாலக்கடி அடித்திருக்கிறார் வழக்கம் போல. மெயில் அனுப்புகிறவர்கள் குறைந்தது ஏழு எட்டு மெயில் அனுப்ப வேண்டியிருக்கும். ஐந்நூறு கோடியை கொள்ளையடிக்க வேண்டும் சொல்லும் போதே பிரம்மாண்டமாய் இருக்கிறது அல்லவா.. அதை கொள்ளையடிக்கும் காட்சி எப்படியிருக்க வேண்டும்? படு மொக்கையாய் ஒரு கொள்ளை. அதுவும் அதற்கு ப்ளான் பண்ணுகிறேன் பேர்விழி என்று திரைக்கதையை ஜவ்வாக இழுத்து முதல் பாதியை கொட்டாவி விட்டே டயர்டாக்கி விடுகிறார்கள்.  அதே போல இன்னும் கொஞ்சம் மெனக்கெட்டு ஆக்‌ஷன் காட்சிகளை செய்திருக்கலாம் என்பது என் எண்ணம். சும்மாவாச்சும் டப்பு டுப்பு என சுடுவதும், யார் யாரை சுடுகிறர்கள் என்று உத்து பார்த்தே கண்டுபிடிக்க வேண்டிய க்ட்டாயம் இருப்பதை தவிர்க்க முடியவில்லை. அதே போல் திரிஷா காதல் சோகத்தில் பாடும் காட்சி, அஞ்சலி தேவையேயில்லாமல் வைபவிடம் கோபித்துக் கொள்வதும், கட்டி பிடித்து அழுவதும் படத்தின் ஓட்டத்திற்கு தேவையில்லாதது.
35 படத்தை காப்பாற்றுவதே ரெண்டாவது பாதிதான். முழுக்க, முழுக்க, அஜித்தையும், ஆக்‌ஷன் கோரியோகிராபர்களை மட்டுமே நம்பி திரைக்கதை அமைத்து அதில் ஜெயித்திருக்கிறார் என்றே சொல்ல வேண்டும். சும்மா திகுதிகுவென போகிறது.  சென்னை மற்றும் செங்கல்பட்டு ஏரியா சேர்த்து குறைந்த பட்சம் நானூறு ஷோக்கள் ஒரு நாளைக்கு ஓட்டுகிறார்கள். தேவிகருமாரி தியேட்டர் மூணு லட்சம் ஹயர். இன்றைக்கே ஒன்னரை க்ராஸ் செய்துவிடும் என்கிறார்கள். ரொம்ப நாளாய் பெரிய ஆட்டம் ஆடாத குறையிருந்த்தை மங்காத்தா தன் பேயாட்டத்தை ஆட ஆரம்பித்திருக்கிறது என்றே சொல்ல வேண்டும். ஐம்பதாவது படம், நூறாவது படமெல்லாம் எல்லாருக்கும் ஹிட் ஆவதில்லை. ரஜினி, கமல், விஜய், என்று பெரிய நடிகர்கள் அனைவரது படங்களின் நிலை அதே.  ஒரு சில பேருக்கே அந்த அதிர்ஷ்டம் உண்டு. அஜித்துக்கு அது நிறையவே இருக்கிறது.
மங்காத்தா – வை ராஜா வை.
சங்கர் நாராயண் @கேபிள் சங்கர்

Tuesday, August 30, 2011

Not A Love Story

not-a-love-story-03 ராம் கோபால் வர்மாவின் லேட்டஸ்ட். சமீபகாலமாய் அவரின் டச்சில்லாமல் வரிசையாய் ராம நாராயணன் போல படமெடுத்து தள்ளிக் கொண்டிருக்கிறார். அதுவும் தினசரி ஹெட்லைனில் ப்ரப்ரப்பாக பேசப்பட்ட விஷயங்களை வைத்து படமெடுத்துக் கொண்டிருக்கிறார். நீரஜ் குரோவர், மரியா சூசைராஜ் என்கிற நடிகையின் நிஜ வாழ்க்கை கதையை இம்முறை படமெடுத்திருக்கிறார்.



not-a-love-story-09 அனுஷா சாவ்லா எப்படியாவது மும்பை திரையுலகில் கதாநாயகியாய்  கொடி நாட்ட வேண்டுமென்ற ஆசையுடன் வருகிறாள். தொடர் போராட்டஙக்ளுக்கு பின் ஒரு வாய்ப்பு கிடைக்க, படுக்கையை பகிர அழைத்ததால் அதிலிருந்து விலகுகிறாள். அவளுக்கு அது பிடிக்காதது மட்டுமல்ல. அவளுக்கு ராபின் என்றொரு பொஸசிவ் காதலன் இருக்கிறான். பொஸசிவ் என்றால் கொஞ்சம் ஓவர் பொஸசிவ்வே..  ஒரு நல்ல நட்பின் மூலமாய் ஆஷிஷ் என்கிற ஒரு ப்ரொடக்‌ஷன் கம்பெனி எக்ஸிக்யூட்டிவை சந்திக்கிறாள். அவன் மூலமாய் ஒரு படத்தின் கதாநாயகியாய் புக் செய்யப்பட இரவு பார்ட்டி முடிந்ததும், அவனை வீட்டிற்கு அழைக்க, அவனுடன் உடலுறவு கொள்கிறாள். காதலி கதாநாயகி ஆனது தெரிந்து சந்தோஷத்தில் அவளுக்கு சொல்லாமலேயே வீட்டிற்கு வர, அங்கே நிர்வாணமாய் ஒருவனை பார்த்ததும், அவனை கோபத்தில் கொன்று விடுகிறான். அதன் பிறகு நடக்கும் ப்ருட்டலான விஷயம்தான் படம்.
not-a-love-story-07 ஆர்வத்துடன் கதாநாயகியாய் வலம் வர துடிக்கும் பெண்ணின் மன ஓட்டத்தை, சிக்கலை, அழகாக காட்டியிருக்கிறார். ஆனால் அதே பெண் இரண்டாவது பாதியில் கொலைக்கு உடந்தையாய் வரும் போது அவ்வளவு இம்ப்ரசிவ் இல்லை. அவளுடய காதலனாய் வரும் தீபக்கின் நடிப்பு ஓகே. போலீஸ் இன்ஸ்பெக்டராக வரும் நடிகரின் பாடி லேங்குவேஜும், டயலாக் டெலிவரியும், ராம் கோபால் வர்மா டச். படத்திற்கு இம்மாதிரியான ஒரு கேரக்டரை கொண்டு வந்துவிடுவதில் கில்லாடி. காதலனின் பொஸசிவ்னெஸின் காரணமாய் அவன் படும் கோபமும், அதனால் ஏற்பட்ட கொலையை மறைக்க அவன் செய்யும் கொடூரமும், பிணத்தை நடு ஹாலில் போட்டுவிட்டு, பெட்ரூமில் காதலியுடன் உறவு கொள்ளும் காட்சி கொஞ்சம் உறையத்தான் வைக்கிறது.
not-a-love-story-13 டிஜிட்டல் கேமராவில் லைட் உபயோகப்படுத்தாமல் எடுத்திருக்கிறார். சில இடங்களில் இருளடித்தாலும், பல இடங்களில் படத்திற்கு தேவையான மூடை கொடுக்கிறது. டிஜிட்டல் கேமராவின் அனுகூலங்களை எல்லாவிதத்திலும் பயன் படுத்தி பார்த்திருக்கிறார். ஹீரோயினின் பாண்டீஸிலிருந்து க்ளிவேஜின் கேப் வரை. அதே போல போலீஸ் இன்வெஸ்டிகேஷன் காட்சியில் ஒரே டேக்கில் முன்னும் பின்னும் போகும் கேமரா கோணங்கள் டிஜிட்டலில் மட்டுமே சாத்தியம். நேட்டிவிட்டியோடு எடுக்கிறேன் என்பதற்காக நிஜ கொலை நடந்த ப்ளாட்டிலேயே எடுத்திருக்கிறார்கள். இன்னும் சுவாரஸ்யமாய் போக வேண்டிய படம் அரைகுறையாய் முடிந்தது போல ஒரு எண்ணம் வரக் காரணம் திரைக்கதை. போலீஸ் இண்ட்ரோகேஷனில் படு ப்ளாட்டாக போய்விட்டதும் ஒரு காரணமாய் இருக்கலாம். வழக்கமான ஆர்.ஜி.வியின் பஞ்சில்லாத ஒகே படம்.

Not A Love Story – Ok.
சங்கர் நாராயண் @கேபிள் சங்கர்

Monday, August 29, 2011

புலி வேஷம்

முப்பத்தியைந்து லட்சம் ஹிட்ஸுகளை வாரி வழங்கிய அன்பு வாசக நெஞ்சங்களுக்கும், சக பதிவர்களுக்கும் என் இதயம் கனிந்த நன்றிகள். சங்கர் நாராயண் @கேபிள் சங்கர்
puli_vesham_movie_pictures_05 ஆர்.கே நடித்து வெளிவரும் நான்காவது படம் என்று நினைக்கிறேன். பி.வாசுவின் இயக்கத்தில் வெளிவந்திருக்கும் படம். தொடர்ந்து பத்து மாதங்கள் வாசுவை தொந்தரவு செய்து தன்னை இயக்கும்படி கேட்டுக் கொண்டதற்கு இணங்க எடுக்கப்பட்ட படமாம். அப்படி என்னதான் எடுத்திருக்கிறார்கள் என்று பார்ப்போம்.

ஆர்.கே ஒரு படிக்காத அனாதை சிறுவன். ஒரு ஆஸ்பத்திரியில் தாமரை என்கிறவருக்காக கட்டுக் கட்டாய் பணம் கொடுக்கிறான். பின்னர் ஹேர் ஸ்ட்ரெயிட்டனிங் செய்து ஸ்டைலிஷ் லுக்கோடு பஜுரோவில் வருகிறார். யார் இவர்? எப்படி இப்படி மாறினார்? யார் அந்த தாமரை?. அவர் ஏன் ஒரு பழைய வீட்டில் பனையோலை மறைத்த வீட்டில் வசிக்க வேண்டும்?. கார்த்திக் ஒரு நேர்மையான போலீஸ் ஆபீசர். உடனிருக்கும் ஆபிசர் செய்த துரோகத்தினால் தன் உயிர் நண்பனை இழந்துவிடுகிறார். அந்த கோபத்தில் துரோகம் செய்த போலீஸ்காரர்களை சட்டத்தை ஏமாற்றி கொல்கிறார். ஆனாலும் சஸ்பெண்ட் ஆகிறார். அதற்கு நன்றி சொல்லிவிட்டு, நேரே ஆர்.கேயிடம் வந்து ஊரில் இருக்கும் ரவுடிகளை எல்லாம் காசு கொடுத்து கொல்லச் சொல்கிறார். ஏன்? இப்படி பல ட்டுவிஸ்டுகளை அடக்கிய படம் தான் என்றாலும் முடிச்சவிழ்க்கும் போது வீச்சம் அடிக்கத்தான் செய்கிறது.
puli_vesham_working_stills_04 கொஞ்சம் காக்கை சிறகினிலே, கொஞ்சம் கிழக்கு கரை, கொஞ்சம் தன்னுடய் பழைய படங்களின் காட்சிகள். என்று கலந்து கட்டி ஒரு படத்தை நேரடியாய் சொல்லாமல் முதல் பாதியில் கொஞ்சம் திரைக்கதையில் நான் லீனியராய் சொல்ல முயற்சித்து வெற்றியும் பெற்றிருக்கிறார் என்றே சொல்ல வேண்டும். அதன் பிறகு வரும் ப்ளாஷ்பேக் எல்லாம் படு சொதப்பல். ஒரு சின்னத்தம்பி தாலின்னா என்னான்னு தெரியாதுன்னு சொன்னதை நம்பி படத்தை ஓட்டினவங்க தன்னுடய எலலா படத்தையும் ஓட்டிடுவாங்கனு நினைச்சார்னா வாசு சார் பாவம். ப்ளாஷ் பேக் எபிசோட் படு மொக்கையாய் இருக்கத்தான் செய்கிறது.
rk_tamil_actor_puli_vesham_movie_stills_01 ஆர்.கே கிரமத்தானாக இருக்கும் போது இருக்கும் ஒரு ஸ்பார்க், அல்ட்ரா மாடர்னாய் ஜீரோ கட் மீசை, தாடி வைத்து ஹேர் ஸ்ட்ரெயிட்டினிங் செய்து வரும் போது செம காமெடியாய் இருக்கிறது அவரது பாடி லேங்குவேஜ். நடிப்பில் இன்னும் பல மைல் தூரம் போக வேண்டியிருக்கிறது இவருக்கு.

கார்த்திக் தான் படத்தின் ஹீரோ போல படத்தின் ஆரம்பம் முதல் வருகிறார். ஏதோ ஹாலிவுட் பட ஹீரோ போல கொழ் கொழவென இங்கீலீஷ் பேசுகிறார். எதோ செய்யப் போகிறார் என்று நினைதால் கான்ஸ்டபிள் கூட கொஞ்சம் நன்றாக யோசிப்பான் போலிருக்கு. சதா நிஜமாகவே சப்பிப் போட்ட மாங்கொட்டை போல இருக்கிறார். நடுவில் ஒரு பாட்டில் அடிப் பாடுவதோடு சரி. அவர் அண்டர் கவர் ஏஜெண்டாம். அதுவும் நான்கு மாதத்தில் ரௌடி ஆனவருக்கு. கொடுமைடா சாமி. கஞ்சா கருப்பு, ஜீவா, மயில்சாமியெல்லாம் இருந்தும் சிரிப்பு ஒண்ணும் விளங்கலை. ஸ்ரீகாந்த் தேவாவின் இசையில் பெரிதாய் சொல்ல ஏதுமில்லை. ஒளிப்பதிவு எல்லாம் ஓகே. க்ளைமாக்ஸ் மட்டும் கொஞ்சமே கொஞ்சம் ஓகே.
புலி வேஷம்.-  வெறும் வேஷம்.
சங்கர் நாராயண் @கேபிள் சங்கர்

Sunday, August 28, 2011

கொத்து பரோட்டா -29/08/11

முப்பத்தியைந்து லட்சம் ஹிட்ஸுகளை வாரி வழங்கிய அன்பு வாசக நெஞ்சங்களுக்கும், சக பதிவர்களுக்கும் என் இதயம் கனிந்த நன்றிகள். சங்கர் நாராயண் @கேபிள் சங்கர்
மீண்டும் ஒரு புன்னகை
”Wind" குறும்படத்தை அடுத்து ஒரு அரை மணி நேரக் குறும்படமான “மீண்டும் ஒரு புன்னகை” என்கிற படத்தை எடுத்திருக்கிறார் ஒளிப்பதிவாளர், மணிகண்டன். சமீபத்தில் இவ்வளவு மெச்சூர்டான, அழகான குறும்படத்தை பார்க்கவில்லை. ஃபீல் குட் குறும்படம். நிச்சயம் வாழ்க்கையின் நிகழ்வில் நடந்து கொண்டிருக்கும் விஷயம். அருமையாய் கையாண்டிருக்கிறார்.  சின்ன சின்ன ரியாக்‌ஷன்களில், பின்னணியில் வரும் சவுண்ட் ஓவர்லாப்பில் நிறைய மெனக்கெட்டிருக்கிறார்கள். நடிகர்களின் பங்களிப்பை சரியான வாங்கியிருக்கிறார். ஒரு குட்டி பாட்டு வருகிறது. அதுவும் ச்ச்சோ..ச்வீட்.ரகுராம் இசையமைத்திருக்கிறார். ஸ்ரீகர் பிரசாத் எடிட் செய்திருக்கிறார். சின்னச் சின்னதாய் கோணம் மாற்றி எடிட் செய்திருக்கும் விதம் சுவாரஸ்ய மூட்டுகிறது. இனிது இனிது, தேநீர் விடுதி திரைப்படங்களில் நடித்த அதித் தான் கதாநாயகன். சினிமாவை விட குறும்படங்கள் மனிதர் கலக்குகிறார். நல்ல வாய்ப்புத்தான் அமையவில்லை. நிச்சயம் ஒரு நல்ல ஸ்மார்ட் யங் நடிக்கக்கூடிய ஹீரோ இருக்கிறார். நாளைய இயக்குனர் வெற்றியாளர் நளனும், அரவிந்த் மனோவும் வசனமெழுதியிருக்கிறார்கள். செம வசனங்கள். அரை மணி நேர படத்தில் தொடர்ந்து நாலைந்து இடங்களில் கைதட்டல் கிடைக்கிறது என்றால் பார்த்துக் கொள்ளுங்கள்.”என்ன பண்றே?” கதாநாயகன் புத்தகத்தை காட்ட, “எப்பப்பாரு அதையே படிச்சிட்டிருக்க.. அதில அப்படி என்னதான் இருக்கோ..? நான் சீரியல் பார்த்தா மட்டும் கிண்டல் பண்றே?”.  சின்ன, சின்ன விஷயங்களில் எல்லாம் அழகாக வேலை பார்த்திருக்கிறார்கள். கேனான் 7டியில் எடுத்திருக்கிறார்கள். அள்ளூம் விஷுவல்கள். மணிகண்டனிடமிருந்து முழு நீள திரைப்படம் எப்போ வரும் என்கிற ஆவலை கிளப்பிவிட்டுவிட்டார். வாழ்த்துக்கள் மணிகண்டன்.
################################################


யூத் பதிவர் சந்திப்பு
வருகிற 4ஆம் தேதி மாலை டிஸ்கவரி புக் பேலஸில், பதிவுலகின் யூத்துகளாகிய நாங்கள் ஒரு பதிவர் சந்திப்பை நடத்தவிருக்கிறோம் யூத்துகளாகிய அனைவரும் வருக. மேலும் தகவலுக்கு இங்கே கிளிக்கவும்
#######################################################
கறை நல்லது
பிரபல ஜோதிடர் காளிபட்டி சிங்காரம் கணிப்பு. ராஜிவ் கொலை வழக்கில் உள்ளவர்களை தூக்கிலிட்டால் தமிழக மக்களுக்கு கோவலன் குற்றம் வந்து சேரும். பெண்கள் அவர்களின் மாங்கல்யம் காக்க மதுரை மீனாட்சி அம்மன் தாயை மனதில் வைத்து தூக்கை நிறுத்துமாறு சூரிய அஸ்தமனத்திற்கு முன்பு திரு விளக்கு ஏற்றி தினமும் ஆவணி 22 வரை வழிபட வேண்டும். அப்போதுதான் உச்சி மாகாளியான கண்ணகியின் கோபம் இதன் மூலம் தீரும் என்று ஃபேஸ்புக்கில் கொடுத்திருக்கிறார். எதையாவது சொல்லி இப்படியெல்லாம் மூட நம்பிக்கையை வளர்க்கிறார்கள். ஒரு நண்பர் இதை பார்த்துவிட்டு சொன்னார். மூடநம்பிக்கையானாலும் ‘கறை நல்லது” போல இதுவும் நல்லதுதான் என்றார்.
###########################################
நன்றியும் வேண்டுகோளும்
குறும்பட விழாவுக்கு வந்திருந்த நிறைய நண்பர்கள் சினிமா வியாபாரம் புத்தகத்தை படித்திருந்தார்கள். ஒவ்வொருவரும் அதை பற்றி பாராட்டியது மிகவும் சந்தோஷமாய் இருந்தது. நிச்சயம் வளரும் உதவி இயக்குனர்கள், புதிய தயாரிப்பாளர்கள் அனைவரும் படித்து தெரிந்து கொள்ள வேண்டிய புத்தகம் என்பது என் எண்ணம். இயக்குனர் மீரா கதிரவனும், இன்னொரு இயக்குனரும் கூப்பிட்டு பாராட்டினார்கள். நன்றி நண்பர்களே..

குறும்பட இயக்குனர்களுக்கு ஒர் வேண்டுகோள். நிறைய நண்பர்கள் என் சிறுகதைகளை படித்துவிட்டு அக்கதைகளை குறும்படங்களாக எடுப்பதற்கு கேட்கிறார்கள். சில பேர் அதை கேட்காமல் எடுக்கிறார்கள். தயவு செய்து என்னுடய அனுமதியுடன் எடுத்தால் தன்யனாவேன். உங்களது நன்மைக்குத்தான் சொல்கிறேன். அதே கதையை வேறு யாருக்காவது நான் எடுக்க சொல்லியிருந்தால் ஒரே கதையை நீங்கள் எடுத்து பணமும், நேரமும் விரயமாகிவிட வாய்ப்புண்டு. அப்படித்தான் நான் எழுதிய முத்தம் கதையை நானே படமாக்க தயாராகிக் கொண்டிருக்கும் போது, குறும்படம் எடுக்கும் குழுவில் உள்ள நண்பர் ஒருவர் சங்கர் நாராயண் என்கிற எழுத்தாளரின் முத்தம் என்கிற கதையைத் தான் எடுக்கப் போகிறோம் என்றார் என்னிடமே.. பின் சொல்லி புரிய வைத்தேன்.
#################################################
இந்த வாரம் படித்தது.
ஏற்கனவே படித்திருந்தாலும் ஏதோ திடீரென தோன்றியது தி.ஜா.வின் மரப்பசுவை படிக்க வேண்டுமென்று. எத்தனை தடவை படித்தாலும் அம்மிணி மனதை விட்டு அகலவே மாட்டேனென்கிறாள். பாலகுமாரனின் எழுத்துக்கு இவர்தான் இன்ஸ்பிரேஷன் என்பதை மீண்டும் மரப்பசுவை படிக்கும் போது உறுதியாயிற்று. அம்மிணி என்னா கேரக்டர்டா..
##################################################
செவிக்கினிமை
நண்பர் இசையமைப்பாளர் பி.பி. பாலாஜியின் இசையில், கரண் நடித்து, நண்பர் சிவாஜி அவர்தம் நண்பர்களூடன் சேர்ந்து தயாரித்த சூரன் திரைப்பட பாட்ல் வெளியீட்டிற்கு போயிருந்தேன்.மூன்று பாடல்களை ஒளிபரப்பினார்கள். எனக்கு கேட்டவுடன் பிடித்தது “அய்யனார் குதிரையிலே:” பாடல்தான். ஹரிணியின் குரலிலும், பெர்க்யூஷனிலும் ஒரு பெப் ஓடிக் கொண்டிருந்தது. இந்த மாமனோட பொண்ணு என்ற டபுள் மீனிங் கானா பாடல் ஒன்றை இயக்குனர் பாலு நாராயணன் எழுதி பாடியிருக்கிறார். வெகுஜனங்களிடம் சேர வாய்ப்பிருக்கும் பாடல் இது.  பாடல்களை கேட்க இங்கே க்ளிக்கவும். நிகழ்ச்சியில் பேரரசு, ஆக்‌ஷன் பட இயக்குனர்களை பத்திரிக்கையாளர்கள் மதிப்பதில்லை எனறதும், ஆக்‌ஷன் படமெடுப்பது எவ்வளவு கஷ்டமென்றும், காதல் படங்களில் நடித்துக் கொண்டிருந்த நடிகரை நல்லவன் வல்லவன் என்று பில்டப் பண்ணி ஏத்தி விட்டு ஆக்‌ஷன் ஹீரோவாக மாற்ற எவ்வளவு உழைப்பு உழைக்க வேண்டும் என்பதை ஏ.வெங்கடேஷ் சொன்னதும் நிஜமாகவே மிகவும் உண்மை.
###################################################
சேனல் புதுசு
புதிய தலைமுறை செய்தி சேனல் சுவாரஸ்யமாய் இருக்கிறது. சின்னச் சின்ன நிகழ்வுகளைக் கூட படம் பிடித்துக் காட்டுகிறார்கள். பேரறிவாளன், சாந்தன் தூக்கு தண்டனைக்கு எதிரான விஷயங்களை அருமையாய் கவர் செய்கிறார்கள். செய்தி வாசிப்பவர்களிடம் பல நேரங்களில் தடுமாற்றம் இருக்கிறது. போகப் போக சரியாகிவிடும். ஏதோ ஒரு சார்பு நிலையுள்ள செய்திகளையே பார்த்து பார்த்து சலித்த கண்களுக்கு இந்த சேனல் ப்ரெஷ்ஷாக இருந்தாலும் அதிமுக ஆட்சிக்கு எதிரான செய்திகள் வரும் போதுதான் நம்பிக்கை வரும். இவர்களின் ப்ரொமோ நன்றாக இருக்கிறது. சினிமாட்டிக்காய்.
###################################################
ஜெய்ஹிந்த்
அன்னா ஹசாரேவின் உண்ணாவிரதம் முடிந்துவிட்டது. ஏகோபித்த ஆதரவுடன் ஏற்றுக் கொண்டதாக அறிவித்திருக்கிறார்கள். எனக்கென்னவோ இதில் டகால்டி வேலையிருப்பதாக படுகிறது. அடுத்த கூட்டத் தொடருக்கு முன் மீண்டும் உண்ணாவிரதம் இருக்க வேண்டி வந்தாலும் வரலாம். எல்லாரும் நல்லா சாப்ட்டு தயாராவுங்க..
######################################################
இன்னொரு தீக்குளிப்பு. தூக்குதண்டனையை தடுப்பதற்காக தீக்குளித்து செத்திருக்கிறார் செங்கொடி. என்ன ஒரு மடத்தனம்?. அதற்கு தியாகி பட்டம் வேறு கொடுத்து முதல் வருட நினைவு நாள் அன்று விளக்கேற்றுவார்கள். அதற்கு பிறகு?. தவறு செய்தவனுக்கே மரணம் தண்டனையல்ல என்று சொல்லும் போது அதற்காக தற்கொலையை தியாகம் என்று பில்டப் செய்து உணர்ச்சி வசப்படுகிற தமிழுணர்வாதிகளை என்ன செய்ய?. முத்துகுமாரினால் உயிர்தியாகம் மக்களிடையே எழுச்சியை ஏற்படுத்தியதாம்.  ஊர்வலம் போய் வந்ததைவிட என்ன சாதித்துவிட்டார்கள். முத்துக்குமார் இவர்களுக்கு வேண்டுமானால் தமிழர்களுக்காக உயிர் தியாகம் தியாகி என்று பில்டப் செய்து கொண்டு அரசியல் நடத்தலாம்.  அவன் என் சக உதவியாளன். நண்பன். அவனின் தற்கொலை முட்டாள் தனமானது. இதுக்கு என்னை பத்து பேர் திட்டத்தான் செய்வான். ஆனா ஒரு நண்பனோட முட்டாள் தனமான  தற்கொலை எவ்வளவு வலி மிகுந்தது என்று நண்பனுக்குத்தான் தெரியும். உங்களுக்கு புரியாது.
###################################################
ப்ளாஷ்பேக்
மெஹப்பூபா என்கிற படத்தில் வரும்இந்த பாடலை எப்போது கேட்டாலும் கண்ணீர் முட்டும், தொண்டையடைக்கும். கிஷோரின் உருக்கும் குரலும், பாடல் வரிகளில் இருக்கும் ஆழமும் நம்மை கலங்கடிக்கும்.
#############################################################
தத்துவம்

வாழ்க்கையை கொண்டாட வேண்டுமென்றால் இன்றுதான் உன் வாழ்நாளின் முதல் நாள் என்று நினைத்துக் கொள். வாழ்க்கையில் சாதிக்க வேண்டும் என்று ஆசைப்பட்டாயானால் இது தான் உன் வாழ்நாளின் கடைசி நாள் என்று நினைத்து செயல்படு.
##################################################
அடல்ட் கார்னர்
ஒரு டாக்டர் ரொம்ப நேரம் ஹாஸ்பிட்டல் டியுட்டி பார்த்துவிட்டு அசந்து தூங்கிட்டு இருந்தார். அப்போ அவரோட போன் மணி ஒலித்தது. தூக்க கலக்கமாக போனை எடுத்து காதில் வைத்தார். மறுமுனையில் ஒரு பெண் பேசினாள்.
பெண்:- டாக்டர்.. ரொம்ப அர்ஜென்ட்..சீக்கிரம் வாங்க.. 
டாக்டர்:- என்ன பிரச்சனைன்னு சொல்லும்மா முதல்ல..
பெண்:- நானும் என் வீட்டுக்காரரும் செக்ஸ் பண்ணுறதுக்கு முன்னாடி நான் எப்பவும் கர்ப்ப தடுப்பு மாத்திரை போடுவேன்.. இன்னைக்கு மாத்திரையை போடலாம்னு டேபிள் மேல வச்சி இருந்தேன். என்னோட மூணு வயசு பையன் அதை எடுத்து அவன் வாயில போட்டுகிட்டான் டாக்டர்..உடனே வர்றிங்களா... ப்ளீஸ்..
டாக்டர்:- உடனே வர்றேன்..

டாக்டர் தூக்க கலக்கத்தில் எழுந்து உடைகளை மாட்டி கொண்டு தன் காரை ஷெட்டில் இருந்து எடுத்து ஓட்ட ஆரம்பித்தார். பாதி தூரம் வந்திருந்த போது அவருடைய போன் மறுபடி அழைத்தது. எடுத்து காதில் வைத்தார். அதே பெண் தான் பேசினாள்.

டாக்டர்:- வந்துகிட்டே இருக்கேன்ம்மா.. இன்னும் கொஞ்ச நேரத்துல வந்துடுவேன்...


பெண்:- இல்லை வேண்டாம் டாக்டர்.. நீங்க வர வேண்டாம்.. இப்போதான் என் புருஷன் இன்னொரு மாத்திரை வச்சிருக்கேன்னு எடுத்து கொடுத்தார்..
டாக்டர்:- ?????????????????

சங்கர் நாராயண் @கேபிள் சங்கர்

குறும்படம் - Zero கிலோமீட்டர்

கலைஞர் டிவி நாளைய இயக்குனர்கள் நிகழ்ச்சியில் மூன்றாவது பரிசு பெற்ற ரவிக்குமாரின் படமிது. இதுதான் பைனல்சுக்கான படமும் கூட. கொஞ்சம் பேண்டஸியான சப்ஜெக்ட். படத்தின் ஆரம்பத்தில் இருக்கும் ஜோர் முடிவு வரை தொடர்ந்தது ஜோரான விஷயம். கொஞ்சம் முயற்சி செய்திருந்தால் இன்னும் சுவாரஸ்யமான படமாய் அமைந்து முந்தைய இடங்களில் இடம் பெற்றிருக்கும். வாழ்த்துகள் ரவிகுமார்.


முப்பத்தியைந்து லட்சம் ஹிட்ஸுகளை வாரி வழங்கிய அன்பு வாசக நெஞ்சங்களுக்கும், சக பதிவர்களுக்கும் என் இதயம் கனிந்த நன்றிகள். சங்கர் நாராயண் @கேபிள் சங்கர்

Saturday, August 27, 2011

யுவன் யுவதி

முப்பத்தியைந்து லட்சம் ஹிட்ஸுகளை வாரி வழங்கிய அன்பு வாசக நெஞ்சங்களுக்கும், சக பதிவர்களுக்கும் என் இதயம் கனிந்த நன்றிகள். சங்கர் நாராயண் @கேபிள் சங்கர்
yuvan_yuvathi_movie_stills (1) நினைத்தாலே இனிக்கும் பட இயக்குனர் ஜி.என்.ஆர். குமரவேல் இயக்கியுள்ள படம். எழுத்தாளர் எஸ்.ராமகிருஷ்ணன் கதை வசனம் எழுதிய படம் எனபது வேறு ஒரு ஆர்வத்தை தூண்டியிருந்தது எனக்கு. நிச்சயம் ஒரு வித்யாசமான கதையை அர்பன் பின்னணியில் அளித்திருப்பார்கள் என்ற என் எதிர்பார்ப்பை திருப்திபடுத்தினார்களா? என்றால் இல்லை என்றே சொல்ல வேண்டும்.


rima_kallingal_hot_yuvan_yuvathi_movie_stills_01 பரத் அமெரிக்கா செல்வதற்காக ஆர்வமாய் இருப்பவன். அதே போல ரீமாவும். இருவருக்கும் அமெரிக்க விசா க்யூவில் பரிச்சயமாகி, சண்டையில் ஆரம்பித்து, சண்டையில் முடிகிறது. பின்பு ரீமாவுக்கு பாஸ்ப்போர்ட் வாங்கித்தருகிறேன் பேர்விழி என்று உடன் அலைந்து ஒரு தலையாய் காதல் கொண்டு அதை சொல்ல நினைக்கும் போது ஒரு அதிர்ச்சியை கொடுக்கிறார் ரீமா. தான் அமெரிக்கா போவதே தன்னுடய திருமணத்துக்காகத்தானென்று. இதனிடையில் பரத்தின் கிராமத்து, காதல் கல்யாணத்துக்கு எதிரியான சம்பத் தன் மகனுக்கு வேறு ஒரு இடத்தில் கல்யாணம் செய்ய அதே தேதியில் முடிவெடுத்க்கிறார். விமான பயணத்தின் போது தன் காதலை சொல்ல நினைத்தவனுக்கு அவளின் பயணத்தின் காரணம் அதிர்ச்சியாகிப் போக, தன் மகன் யாரோ ஒரு பெண்ணுடன் சுற்றுவதால்தான் திருமணத்திற்கு ஒத்துக்கொள்ளாமல் அமெரிகக போக எண்ணுகிறான் என்று முடிவு செய்த பரத்தின் அப்பா சம்பத் ரீமாவை கடத்திவிடுகிறார். தந்தையிடம் தன் நிலையை விளக்கி, அவளுக்கு அமெரிக்காவில் கல்யாணம் என்று சொல்லி,  சண்டையிட்டு ரீமாவை காப்பாற்றுகிறார். தன் கல்யாணம் நின்றதற்கு காரணம் பரத்தான் என்று முடிவு செய்து இனி என் முகத்தில் விழிக்காதே என்று சொல்லிவிட்டு இடைவேளை விடுகிறார்கள். இதற்கு அப்புற்ம் என்ன என்று பல ஆங்கில, இந்தி, மட்டுமில்லாமல் பல தமிழ் படங்களில் பார்த்ததையேத்தான் மீண்டும் காட்டியிருக்கிறார்கள்.

yuvan-yuvathi-review
இந்த ஹிந்தி, இங்கிலீஷ் கதைக்கு எதற்கு எஸ்.ரா?.  ஆங்காங்கே பெற்றவர்களுக்கு தான் தங்கள் பிள்ளைகளுக்கு திருமணம் செய்ய உரிமையுண்டு என்று சம்பத் பேசுகிற வசனங்களிலும், இடைவேளைக்கு பிறகு அப்பா பிள்ளை பேசும் வசனங்களில் மட்டுமே கத்தி தீட்டப்பட்டிருக்கிறது. யுவன் யுவதி என்று பெயரை வைத்து இளமை துள்ளும்  காட்சிகள் வரும் என்று நினைத்து உட்கார்ந்தால் எவ்வளவு கற்பனை வறட்சி. ஒரு இளம்பெண் அதுவும், அமெரிக்க விசாவுக்கு அப்ளை செய்து வெளிநாட்டில் போய் திருமணம் செய்யவிருக்கும் பெண்ணுக்கு தன் பாஸ்போர்ட் தொலைந்துவிட்டால் உடனடியாய் அடுத்து என்ன நடவடிக்கை எடுக்க வேண்டும் என்று தெரியாதா? அதற்காக சத்யனை வைத்து பாஸ்போர்ட் வாங்க காமெடி காட்சிக்கு ஊறுகாயாய் எல்லாம் இருப்பாரா? என்ன?. ஹீரோ ஹீரோயினிடம் நெருங்க பாஸ்போர்ட் வாங்கித்தந்துதான் நெருங்க வேண்டும் என்று முடிவெடுத்துவிட்டு, காட்சிகள் நகர படு மொக்கை போடுகிறார்கள். இடைவேளைக்கு பிறகு மிகவும் தெரிந்த பாதையில் படம் ஓடுவதும், அவ்வளவு பில்டப் செய்த சம்பத் கேரக்டரை படு மொக்கையாய் சப்பென முடித்து படத்தை முடிப்பது அதை விட மொக்கையாய் இருக்கிறது. கொஞ்சமாவது திரைக்கதையில் மெனக்கென மாட்டார்களா?

பரத் ஆஸ்யூஷுவல் ஓவர் பெப்பியாய் நடக்கும் பேசும் இடங்களைத் தவிர மற்ற இடங்களில் நடித்திருக்கிறார். ரீமா கல்லிங்கள் கர்ள் முடியுடன் படு ஸ்லீக்கான் உடைகளுடன் வலம் வருகிறார். சம்பத்துக்கு நல்ல அப்பா கேரக்டர். க்ளைமாக்ஸ் அவரின் கேரக்டரை சாகடித்துவிடுகிறது. பாராட்டப்படக்கூடிய, மற்றும் லாஜிக்குகளையெல்லாம் மீறி ஆங்காங்கே நம்மை கிச்சு கிச்சு மூட்டி சிரிக்க வைக்கும் சந்தானமும், ஷீஷெல்லின் அழகை திரையில் பளிங்கு துல்லியமாய் கொண்டுவந்த கோபி மட்டும் இல்லையென்றால் ரொம்பவே கஷ்டமாகியிருக்கும். விஜய் ஆண்டனியின் இசையில் ஒரிரு பாடல்கள் கேட்கும் ரகம். காதலின் வலியை சொல்ல ஒரு சிறு பாடலை பின்னணியில் ஒலிக்க விடுகிறார்கள்  “நீ இல்லாமல் நான் என்ன செய்வேன்” என்பது போன்ற வரிகளில் எவ்வளவு கற்பனை வறட்சி?
யுவன் யுவதி- கொஞ்சம் அவதி
சங்கர் நாராயண் @கேபிள் சங்கர்

Friday, August 26, 2011

மங்காத்தாவின் ஆட்டம் - சினிமா வியாபாரம்.

எந்த நேரத்தில் மங்காத்தா என்று சூதாட்டப் பெயரை வைத்தார்களோ? ஒரே ஆட்டமாய்தான் இருக்கிறது. மங்காத்தாவை ஆளாளுக்கு கை மாற்றி விட்ட குழப்பம் ஒரு வழியாய் முடிந்து மீண்டும் சன்னிடமே வந்துவிட்டது எல்லோருக்கும் தெரியும். ஆனால் அதன் பின்னணியில் இருக்கும் விஷயமே வேறு. முதலில் மங்காத்தா படத்தை துரை தயாநிதியே வெளியிட நினைத்து தியேட்டர்களை புக் செய்ய முனைந்த போது துரை தயாநிதியின் முந்தைய படங்களான, வா குவாட்டர் கட்டிங், அழகர்சாமியின் குதிரை போன்ற படங்களினால் அடைந்த நஷ்டத்தை சரிகட்டினால்தான் ரிலீஸ் செய்ய வேண்டும் என்று தியேட்டர் அதிபர்கள் முடிவெடுத்திருந்தார்கள்.


இதை எப்படி சமாளிப்பது என்று யோசித்துக் கொண்டிருந்த போது சூர்யா, கார்த்தியை வைத்து படம் தயாரிக்கும் ஸ்டூடியோ க்ரீன் ஞானவேல் ராஜா படத்தை விநியோகிக்க விரும்பிக் கேட்க, அவர் மூலம் விநியோகித்தால் தியேட்டர் அதிபர்களின் ப்ரச்சனையை சமாளித்துவிடலாம் என்று முடிவெடுத்து ஓகே சொன்னார்கள் மங்காத்தா தயாரிப்பாளர் துரை தயாநிதி. ஸ்டூடியோ க்ரீன்  போட்ட ஒரு முக்கிய கண்டீஷன் என்னவென்றால் படத்தின் சாட்டிலைட் உரிமத்தை ஜெயா டிவிக்குத்தான் கொடுக்க வேண்டும் என்பதுதான். அதற்கும் ஓகே சொன்னார் துரை.அது சரி எப்படி தியேட்டர் அதிபர்கள் ப்ரச்சனையை தவிர்க்க முடியும்? என்று கேட்பவர்களுக்கு ஒரு சின்ன விஷயம். தொடர்ச்சியாய் ஸ்டியோகிரீன் சூர்யா, கார்த்தியை வைத்து சொந்தமாக படம் தயாரிக்கிறது. இவர்கள் படத்தை விநியோகித்தால் அடுத்து இவர்கள் எடுக்கும் சூர்யா, கார்த்தி படங்கள் தங்கள் திரையரங்குக்கு திரையிடாமல் போய்விடும் வாய்ப்பு உள்ளது எனவே அவர்களை ஏன் பகைத்துக் கொள்ள வேண்டும் என்று திரையரங்கு உரிமையாளர்கள் ஒதுங்கிக் கொள்ள, ஸ்டூடியோ க்ரீன் நேற்று முன் தினம் துரை தயாநிதியின் பெயர் இல்லாமல் க்ளவுட் நைன் பேரில்லாமல் ஸ்டூடியோ க்ரீன் பெயரில் விளம்பரத்தை வெளியிட்டது.

விளம்பரத்தை பார்த்த சன் குழுமமும், மற்றவர்களும் நொந்து நூலாகிவிட்டனர். க்ளவுட் நைன் பேரில்லாமல் வந்த விளம்பரம் உறவுகளை ஒன்று சேர்த்து உருக வைத்துவிட்டது. எல்லோருடய கண்களும், இதயமும் பனித்துவிட்டது.  அதெப்படி தயாரிப்பாளரின் பெயர் இருட்டடிப்பு செய்யப்பட்டு வெளியிடலாம் என்று யோசித்ததில் உதயநிதி தான் செய்தது போல தன் தம்பியின் படத்தையும் சன்னிடமே விற்றுவிட ஐடியா கொடுத்தார். இது நாள் வரை சன் வெளியிடும் அத்துனை படங்களின் தயாரிப்பாளர்களின் பெயரும் ஏதோ போனால் போகட்டும் என்று ஒரு மூலையில் கண்ணுக்கே தெரியாத வகையில் போட்டு விளம்பரப்படுத்தும் சன்னுக்கு தன் சதை ஆடிய காரணத்தால் உடனடியாய் தன் நெட்வொர்க்கின் மூலம் படத்தை வாங்கி விட்டது. சரி வாங்கியாயிற்று மற்றவர்களுக்கு இருக்கும் பிரச்சனைகளை விட இவர்களுக்கு இருக்கும் ப்ரச்சனை அதிகம் அப்படியிருக்க எப்படி சமாளிப்பது?. யோசித்தார்கள் பிஸினெஸ் மூளையை தட்டிவிட்டார்கள்.

வழக்கமாய் சன் டிவி வாங்கும் படங்களை அவர்களே நேரடியாய் விநியோகிப்பார்கள். படங்களூக்கு ஏற்றார்ப் போல எம்.ஜி, அட்வான்ஸ் வாங்கி கொடுப்பார்கள். ஆனால் இம்முறை ஏற்கனவே இருந்த ஆட்கள் உள்ளிருப்பதாலும், மீண்டும் தாங்கள் மார்கெட்டுக்கு வந்தால் விநியோகஸ்தர்கள், திரையரங்கு உரிமையாளர்களின் மனநிலை எப்படியிருக்குமோ என்று யோசித்து சட்டென ஒரு கல்லில் ரெண்டு மாங்காய் அடித்துவிட்டிருக்கிறார்கள். படத்தை சன் வாங்கினாலும் வெளியிடப் போவது ராதிகாவின் ராடன் மீடியா ஒர்க்ஸ். அவர்கள்தான் வியாபாரம் செய்யப் போகிறார்கள். சன் டிவி, கலைஞர் டிவி ப்ரச்சனையின் போது கூட பல சன் டிவி பிரமுகர்கள் கலைஞர்டிவிக்கு எகிறிய போதும், ராதிகாவின் ராடன் டிவி மட்டும் அங்கே போகவில்லை. சன்னின் பங்கோ, அல்லது கலாநிதி மாறனின் பங்கோ நிச்சயம் அவர்களிடம் இருக்கிறது என்று கிசுகிசுத்துக் கொண்டிருந்தது உண்மை என்பது போல இப்படத்தின் விநியோகம் நிகழ்வின் மூலம் நிருபணம் ஆகியிருக்கிறது.

ஏனென்றால் ராடன் மீடியா ஒர்க்ஸ் ஏற்கனவே சினிமா தயாரிப்பில் இறங்கி படம் எடுக்க முடியாமல் பூக்கடை ரவி என்கிற ஒரு படம் பாதியில் நிற்கும் வேலையில் திடீரென சில பல கோடிகளை கொடுத்து மங்காத்தாவை வாங்கி ரிலீஸ் செய்வது ஏன் என்ற கேள்வி வரத்தான் செய்கிறது. இதன் பின்னணியில் ஒரு ஆட்டம் இருக்கிறது. யார் யாரோடு சண்டை போட்டாலும் ராடன் டிவி மட்டும் சன்னுடன் தான் ஆட்டத்தை ஆடிவருகிற நிலையில், சரத்குமார் அங்கிருக்கும் பட்சத்தில் தன் மனைவியின் கம்பெனி மூலமாய் ரிலீஸ் செய்யும் படத்திற்கு அரசியல் ரீதியாக ப்ரச்சனை வராது என்பதால் அவர்கள் பெயரில் மங்காத்தா பெயரில் வெளியாகிறது என்கிறது பட்சி.எது எப்படியோ ”தலை”யின் மங்காத்தா ஆட்டம் ரிலீஸுக்கு முன்பே சூடு பிடித்திருக்கிறது. இதில் நான் பாராட்டுவது சன்னின் வியாபார தந்திரம்தான். சேனலுக்கு படமும் ஆயிற்று, தன் விநியோகத்தை நடத்திய மாதிரியும் ஆயிற்று. நாள் நெருங்க நெருங்க எதிர்பார்ப்பு அதிகமாகிக் கொண்டேயிருக்க, படத்தின் வெற்றி தோல்வி தான் சன்னின் ஆட்டத்தை நிர்ணையிக்கும் ஆட்டமாய் அமையும் மங்காத்தா.
சங்கர் நாராயண் @கேபிள் சங்கர்

Thursday, August 25, 2011

Final Destination -5

finaldestination ஏற்கனவே முதல் பாகத்தையும், மற்ற ஒரு சில பாகங்களையும் பார்த்ததாய் நியாபகம். முதல் பாகம் கொடுத்த இம்பாக்ட் அடுத்த பாகங்களில் எனக்கு கொடுக்கவிலலை என்பது என் கருத்து.


எல்லா படங்களைப் போலவே இதிலும் ஒரே விஷயம். துரத்தும் மரணங்கள். ஃபிரிமோனிஷனாக அலுவலக நண்பர்களுடன் சாம் பயணிக்கும் பஸ் ஒன்று விபத்துக்குள்ளாவதாகவும், அதில் தன்னையும் சேர்த்து எல்லோரும் இறந்துவிடுவதாக ஒரு காட்சி ஓடுகிறது. கண் விழித்துப் பார்க்கும் போது அந்த பஸ் அதே ப்ரிட்ஜில் இருக்க, விபத்து நடக்கப் போவதற்கான அத்துனை அறிகுறிகளும் சாமிற்கு தெரிய, நண்பர்கள் அனைவரையும் எச்சரித்து பஸ்ஸை விட்டு இறக்கிவிட்டுவிடுகிறான். அதில் எட்டு பேரை காப்பாற்றி விடுகிறான்.   ஆனால் மரணம் அவர்களை விடாது துரத்துகிறது.
final_destination5_02 ஒவ்வொரு பாகத்திலும் ஆட்களை கொல்ல இவர்கள் யோசிக்கும் வழிமுறைகள் அசத்தலாயிருந்தாலும், கொஞ்சம் எனக்கும் ஃப்ரிமோனிஷனாக என்ன செய்வாரக்ள் என்று யோசிக்க முடிந்துவிட்டதால் சுவாரஸ்யம் குறைந்துவிட்டது இதன் மற்ற பாகங்களை பார்க்க, இது 3டி, அதுவும் முழுதாக 3டி டிஜிட்டல் கேமராவில் படமாக்கப்பட்டது. முழு 4கேவில் எடுக்கப்பட்டு ரெஸ்யல்யூஷன் குறையாமல் அதே 4கேவில் எடிட் செய்யப்பட்ட படம். என்பதால் ஆர்வம் மேலேறியது.  டெக்னிக்கலாய் அவர்கள் ஏற்படுத்திய ஆர்வம் குறையாமலிருப்பதற்கான முயற்சியில் வெற்றி பெற்றிருக்கிறாரக்ள் என்றே சொல்ல வேண்டும்.
final-destination5-08 டெக்னிக்கலான விஷயங்களை விட்டு படத்தைப் பற்றி சொன்னால் ஒரு சுவாரஸ்யமான கதையே.. ஒவ்வொருவரின் மரணமும் ஒவ்வொரு விதமான கோரம். அது எப்போது, எப்படி நடக்கும் என்பது தான் படத்தின் சுவாரஸ்யத்தின் அடிநாதம். முடிந்தவரை சுவாரஸ்யம் கெடாமல் இருக்கவே செய்கிறது. பிரிமோனிஷனாக வரும் காட்சிகளில் இருக்கும் கோரங்களை தூக்கி சாப்பிடக்கூடியதாய் இருக்கிறது நிஜக் காட்சிகள். கண் பிதுங்கி வெளியே உர்ண்டோட, அதன் மீது கார் ஏற்றி கண் முன் காட்டும் போதும், பாய் மரக் கப்பலின் பாய்மரத்தின் மீது வீழ்ந்து குடலை கண் முன் கைகெட்டும் தூரம் வரும் காட்சியில் அதிர்ச்சியை விட ஒரு விதமான் அருவருப்பு தான் மேலிடுகிறது. சாகப் போகிறோம் என்று தெரிந்து கொண்டு, அதுவும் கண்ணெதிரே எதோ தக்காளியை நசுக்குவது போது பச்சக் என்று ரத்தம் பரவி சாவதை பார்த்துவிட்டு சாமும், அவனின் காதலியும் சர்வ சாதாரணமாய் இருப்பதும், ஒரு கேரக்டர் மட்டும் கொஞ்சம் எக்ஸ்ட்ரா லார்ஜாக ஃபீல் பண்ணுவதும் கொஞ்சம் காமெடியாய் இருக்கிறது. தொடர்ந்து இந்த படங்களை பார்பவர்களுக்கும், படத்தை எடுப்பவர்களுக்கு வேண்டுமானால் வழக்கமாய் நடக்கும் சமாசாரமாய் இருக்கலாம். ஆனால் புதியதாய் படம் பார்க்கும் மக்களுக்கு என்னடா சாவு துரத்துன்னு தெரிஞ்சு சும்மா ஜாலியா சுத்திட்டிருக்கானுவளே என்று யோசிபதை தடுக்க முடியாது.
Final Destination -  3D Magic
சங்கர் நாராயண் @கேபிள் சங்கர்

Wednesday, August 24, 2011

சாப்பாட்டுக்கடை - ஆரோமா

இரண்டு பேர் அஞ்சு பரோட்டா, இரண்டு சப்பாத்தி, ஆலுமட்டர், காலிப்ளவர் சப்ஜி சாப்பிட்டு மொத்த பில் 49 ரூபாய் என்றால் நம்புவீர்களா..?. என்ன பகல் கனவு கண்டீர்களா? என்று கேட்பவர்கள் ஒரு நடை நம்ம கோடம்பாக்கம் ரோடு, மீனாட்சி காலேஜுக்கு முன்னால் ஒரு சின்னக் கடை ஆரோமா என்ற இந்தக் கடைக்கு ஒரு நடை போய் வாருங்கள். அவ்வளவு அருமையான சப்பாத்திகள்.
சுடச்சுட..


 இவர்களின் மெனு கார்டில் அதிகபட்ச விலையே 35 ரூபாய்தான். குறைந்தபட்ச விலை 4 ரூபாய். கையேந்திபவனிலேயே ப்ரைட்ரைஸ் 30 ரூபாய் விற்கிறார்கள். அது மட்டுமில்லாமல் துரிதமான சர்வீஸ், சப்பாத்தி மட்டுமில்லாது, பரோட்டா,  காலையில் தோசையெல்லாம் கூட போடுகிறார்கள். சகாய விலையில் சென்னையில் சாப்பிட நல்ல வெஜ் ரெஸ்டாரண்டுகளில் இதுவும் ஒன்று. ஒரு நடை போய் வாருங்கள். சின்ன பட்ஜெட்டில் நிறைவான உணவு.
சங்கர் நாராயண் @கேபிள் சங்கர்

Tuesday, August 23, 2011

கேபிளின் கதை- 17


17
ஈ.எஸ்.பி.என் சேனல் தன் பிரித்தாளும் சூழ்ச்சி எனும் அஸ்திரத்தைஆப்பரேட்டர்களிடம் வீச ஆரம்பித்தது. மேட்ச் ஆரம்பித்திருந்த நேரத்தில் ஒவ்வொருஏரியாவிலும் ப்ரச்சனைக்குள்ளாகியிருக்கும் ஆப்பரேட்டரை தனியே அழைத்து, அவருக்குமட்டும் ஏற்கனவே வாங்கியிருந்த பாயிண்டுகளை குறைத்து தருவதாய் சொல்லி, பேசி பேசிமழுங்கடித்தனர். இவனும் தன்னுடய போட்டியாளரை தூக்கிச் சாப்பிட இதைவிட வேறு வழிகிடையாது என்று வேகமாய் தலையாட்டியவனின் நெட்வொர்க்கில் ஈ.எஸ்.பி.என்னை ஆன்செய்தனர். இப்பேர்பட்ட ஆப்பரேட்டர்கள் பழைய ஆப்பரேட்டர்கள் இத்தொழிலை விற்றுவிட்டுபோகும்போது வாங்கியவர்களாய் இருப்பார்கள். அல்லது பழைய ஆப்பரேட்டர்களாய்இருப்பார்கள். பெரும்பாலும் பழைய ஆப்பரேட்டர்களுக்கு தான் பாயிண்ட் பிரச்சனைகள்அதிகம். எனவே ஒரு நல்ல டீலுக்கு வந்தவுடன் ஏதாவது ஒரு ஸ்டார் ஓட்டலில்தீர்த்தமாடிவிட்டு தலையாட்டிவிடுவார்கள்.


தலையாட்டிய வேகத்தில்ராத்திரியோடு ராத்திரியாக, சேனலை ஆன் செய்துவிட, மெல்ல டிவியில் மேட்ச் தெரியும்செய்தி பரவ ஆரம்பித்துவிடும். அங்க தெரியுதாமே.. இங்க தெரியுதாமே என்று மக்கள்மற்ற ஆப்பரேட்டர்களின் அலுவலகத்தின் முன் நின்று கூச்சல் போட ஆரம்பித்தார்கள்.இன்னும் சில பேர் ஈ.எஸ்.பி.என் இணைப்பு இருந்தால்தான் காசு இல்லாவிட்டால் மாதசந்தாவே கிடையாது என்று சொல்லிவிட, மெல்ல ஒவ்வொரு நெட்வொர்க்காக ஈ.எஸ்.பி.என்னிடம்பேச்சு வார்த்தை நடத்தி, அதெ ஏழு ரூபாய்க்கு பாயிண்டுகளை மட்டும் குறைத்துஅக்ரிமெண்ட் போட்டு ஒளிபரப்ப ஆரம்பித்தார்கள். இந்த பிரித்தாளும் சூழ்ச்சியைவெற்றிகரமாக நட்த்திய காரணத்தால் ஈ.எஸ்.பி.என் மார்கெட் இன்னும் ஸ்ட்ராங்காக, மற்றசேனல்கார்ர்களும் இதே ஆட்ட்த்தை ஆட முயன்று தோற்றனர்.  ஏனென்றால் இம்மாதிரியான மக்கள் எழுச்சிடிஸ்கவரி போன்ற சேனல்களுக்கு இருக்கவே இருக்காது. இந்த பாழாப்போன கிரிக்கெட்டுக்குமட்டும் தான் இந்த எழுச்சியெல்லாம்.

இப்படி சூழ்ச்சியினால் வீழ்ந்தஆப்பரேட்டர்கள் கொஞ்சம் கொஞ்சமாய் முழித்துக் கொள்ள ஆரம்பித்தார்கள். ஏனென்றால்ஒருசேனல் செய்த்தை, அடுத்த சேனலும் ஃபாலோ செய்ய அரம்பித்துவிடும் என்கிற நிலையில்தான், ஓரளவு ஏரியா தகராறுகளை தாண்டி பக்கத்து ஏரியா ஆப்பரேட்டருடன் நல்ல இணக்கமானநட்பு இருந்தவர்கள் வேறு ஒரு ஐடியாவை யோசிக்க அரம்பித்தார்கள். மாஸ்டர் கண்ட்ரோல்ரூம்.

ஆம் இரண்டு பெரியஆப்பரேட்டர்கள் சேர்ந்து ஒரே கண்ட்ரோல் ரூமிலிருந்து ஒளிபரப்ப ஆரம்பித்தால் இரண்டுகண்ட்ரோல் ரூமுக்கான செலவு மிச்சம். அது மட்டுமில்லாமல், ஒவ்வொரு சேனலுக்குடிகோடர்களுக்கு இருபதாயிரம் அழத் தேவையில்லை என்கிற போது ஒரு விஷயங்களில் நஷ்டம்போல தெரிந்தாலும், பெரிய அளவில் லாபம் நிச்சயம் என்று புரிந்து கொண்டனர்.  மெல்ல ஒவ்வொரு ஏரியாவிலும் பத்துஆப்பரேட்டர்கள், சேர்ந்து ஒரு கண்ட்ரோல் ரூம் அமைக்க ஆரம்பித்தனர். அதிக அளவுசேனல்கள், இம்போர்ட்டர் மாடுலேடர்கள், ரிசீவர்கள், என்று லட்சக்கணக்கில் செலவுசெய்து ஒரு கண்ட்ரோல் ரூமிலிருந்து தம் தமது கட்டுப்பாடு அறைகளுக்கு சிக்னலைசீரீஸ் வகை கேபிள்கள் மூலம் எடுத்துச் சென்றார்கள். நல்ல தரமான ஒலி, ஒளி கிடைக்க,மக்களுக்கும் நிறைய சேனல்கள் கிடைக்க, ஆப்பரேட்டர்களுக்கும் ஆளாளுக்கு செலவுஎன்றில்லாமல் ஒரே செலவாய் ஆனது வசதியாக இருந்த்து. இவர்களின் கண்ட்ரோல் ரூம்ஆரம்பித்த்தும் இன்னும் சில சின்ன ஆப்பரேட்டர்கள் எல்லாம் அவர்களுடன் சேரஆரம்பிக்க, இந்தியாவில் தெரிந்தோ தெரியாமலோ எம்.எஸ்.ஓ எனும் மல்ட்டி சிஸ்டம் ஆப்பரேட்டிங்கைகேபிள் ஆப்பரேட்டர்கள் ஆரம்பித்தார்கள். ஆனால் இந்த கலாச்சாரம் தமிழகத்திற்குவருவதற்கு முன்பே வட நாட்டில் பிரபலமாகியிருந்தது. சேனல்காரர்களுக்கு கொஞ்சம்நஷ்டமே. ஏனென்றால் டிகோடர்களை தனித்தனியாய் விற்க முடியாது என்பதை தவிர ஒரு பெரியநிம்மதி இனி பாயிண்டுக்களுக்காக சண்டைப் போட்டால் ஒரு கட்டுப்பாட்டு அறைக்குபோட்டால் போதும் என்பதுதான். ஆனால் அதே நேரத்தில் வட சென்னையில் ஏ.எம்.என்,ஜீடிவியின் சிட்டி கேபிள் போன்றவை தலை தூக்க அரம்பித்தது.

டிஸ்கவரி சேனல்காரனுக்கு என்னபேசுவது என்று முடிவெடுப்பதற்குள், ஈ.எஸ்.பி.என் சேனலின் ப்ரச்சனை பெரிதானது.சேனலை நாங்கள் கட் செய்யவும், சேனலின் விலையேற்றத்தால் இந்தியா முழுக்க டிகோடர்களைஆப் செய்ய, இன்னும் நல்லதாய் போயிற்று. தினசரிகளிலும், மக்களிடையேவும் இதேபேச்சாய் இருக்க, நாங்கள் கட் செய்த்து வேறு காரணத்துக்காக இருந்தாலும் மக்கள்பேப்பரில் வந்த ப்ரச்சனையை பற்றி பேசியதால் நாங்களும் அதற்காகத்தான் என்றுசொல்லிவிட, சுற்றிலும் உள்ள எல்லா ஏரியாக்க்ளிலும் சேனல் இல்லாத்தால் மக்களிடையேபெரிய ப்ரச்சனையில்லை.

டிஸ்கவரி சேனல்காரர்கள் ஒருவழியாய் பேச்சு வார்த்தைக்கு வந்து நோட்டீஸில் உள்ள பணம் ஏதும் தரவேண்டாம், ஆனால்எல்லோரும் ஆளுக்கொரு டிகோடர் வாங்கி தங்களுக்கு கட்டணம் கட்ட வேண்டும் என்றது. இதைஎதிர்பார்த்த்துதான் என்பதால் உடனே சரியென்று சொல்லாமல், மிகவும் யோசிப்பது போலயோசித்து சரி என்று சொன்னோம்.

Monday, August 22, 2011

வெங்காயம்.

vengayam-tamil-movie-stills-photos-01 தமிழ் சினிமாவில் பெரும்பாலும் நாத்திகவாதங்களை வைத்து படமெடுப்பவர்கள் மிக சொற்பம். அதிலும் அதை தைரியமாய் சொல்பவர்கள் மிக சொற்பம். இம்மாதிரியான படங்களுக்கு அதுவும் புதியவர்கள் நடித்து, எடுத்திருந்தால் பத்திரிகையாளர்களும், பகுத்தறிவு பட்டறை ஆட்கள் கூட அவர்களுக்கு கொடுக்கும் ஆதரவு சொற்பமே சொற்பம்தான்.. அது ஒரு தனி சோகக் கதை. இதையெல்லாம் மீறி சாட்டையடியாய் ஒரு படம் எடுத்திருக்கிறார் சங்ககிரி ராஜ்குமார்.


vengayam-tamil-movie-stills-photos-02 கிராமத்து மக்களிடம் ஊறிப் போயிருக்கும் மூட நம்பிக்கைகளையும், அதை பயன் படுத்தி ஏமாற்றும் சாமியார்களால் பாதிக்கப்படும் மக்களை பற்றியும், அப்படி பாதிக்கப்பட்டவர்கள் ஒன்று சேரும் போது நிகழும் விபரீதங்களையும்  போட்டுடைத்திருக்கிறார்கள். அன்பு ஒரு எஸ்.ஐ. அவருக்கும் ஊரில் பால் ஊற்றும் பெண் தமிழுக்கு காதல். இதன் நடுவில் ஊரில் உள்ள சாமியார்கள், ஜோதிடர்கள் ஒவ்வொருவராய் கடத்தப்படுகிறார்கள். இவர்களை கண்டுபிடிக்கும் பொறுப்பு அன்பிடம் கொடுக்கப் படுகிறது. இதன் நடுவில் இவர்களது காதல், அதற்கான ப்ரச்சனை என்று கதை போகிற போது இவர்களை கடத்தும் கும்பலை பற்றியும், ஏன் கடத்துகிறார்கள் என்பதற்கான காரணமும் நெகிழ்ச்சியை தருகிறது.
vengayam-tamil-movie-stills-photos-04 டிஜிட்டல் கேமராவில் படமாக்கப்பட்டுள்ள படம். கிடைத்த வசதிகளை வைத்து, முற்றிலும் புதுமுகங்களை வைத்து சுவாரஸ்யமாகவே கொடுக்க முயற்சித்திருக்கிறார்கள். பரணியின் இசையில் இரண்டு பாடல்கள் ஓகே. பாட்டி ஒருத்தி பைத்தியமாய் அலையும் காரணத்துக்கான ப்ளாஷ்பேக், என்று ஆரம்பித்து ஒவ்வொரு விஷயத்துக்கும் ப்ளாஷ்பேக் கொஞ்சம் சலிப்படைய வைத்தாலும், இரண்டாம் பாதியில் வரும் கூத்துக்காரர் தன்  பையனின் சிகிச்சைக்காக நடுரோட்டில் கூத்து ஆடி தன்னை நிருபித்து அழுது பணம் பெரும்  காட்சி செம டச்சிங். ஆழமானதும் கூட. அந்த கூத்துக்கார நடிகரின் நடிப்பு அருமை. அதன் பிறகு நடக்கும் க்ளைமாக்ஸ் காட்சிகள், சத்யராஜ் வரும் ஒரு காட்சி எல்லாம்  கொஞ்சம் சினிமாதான்.
vengayam-tamil-movie-stills-photos-03 முக்கியமாய் இம்மாதிரியான கதைகளனை வைத்து படமெடுக்க, தயாரிக்க நிஜமாகவே தில் வேண்டும் அந்த தில் சங்ககிரி ராஜ்குமாருக்கு இருந்திருக்கிறது. க்ளைமாக்ஸ் காட்சியில் சாமியார்களை பார்த்து சிறுமி தேவடியா பசங்களா என்று திட்டும் போது தியேட்டரில் கிடைக்கும் கைதட்டல் சத்தம் ஒன்றே போதும் ராஜ்குமாருக்கு. குறைகள் என்று நாடகத்தனமான காட்சிகள், மோசமான துணை நடிகர்கள் நடிப்பு  என்று சிலபல விஷயஙக்ள் இருந்தாலும், தன்னால் இயன்ற சக்திக்கு, கிடைத்த வசதிகளை வைத்து, வழக்கமான படமெடுக்காமல்,  இவ்வளவு முக்கியமான விஷயத்தை சுவாரஸ்யமான சினிமாவாக கொடுக்க முனைந்ததற்கு நிச்சயம் ஆதரவு கொடுக்க வேண்டும். பகுத்தறிவாளர்களும், ஆவூவென்றால் பார்பனீயம் பற்றியும், நாத்திகம் எழுதித் தள்ளிக் கொண்டிருக்கும் பெரியாரிஸ்டுகள் எல்லோரும் இப்படத்தை பார்த்தாலே போதும் நல்ல வெளிச்சம் கிடைக்கும். இயக்குனருக்கும் படத்திற்கும். இயக்குனரும் ஒரு சிறு கேரக்டரில் நடித்திருக்கிறார்.
வெங்காயம் – விஷயம் உள்ளது.
சங்கர் நாராயண் @கேபிள் சங்கர்

டிஸ்கி: நான் நாத்திகன் இல்லை என்றாலும் சொல்லிய கருத்துக்களில் உள்ள நேர்மையும், ஏமாற்றுக்காரர்களை தோலுரிக்கும் தைரியத்திற்காகவும், நல்ல கருத்துக்களை சொல்ல விழைன்ற ஆர்வத்திற்காகவும் வாழ்த்துக்கள்.

Farewell to summer

Millähän voisin tällä kertaa selittää blogini hiljaisuutta? Jos myönnän rehellisesti, että olen naimisissa työni kanssa, viikonloput ovat aina täynnä toinen toistaan mielenkiintoisempia aktiviteetteja ja nämä aiheuttavat yhdessä armotonta väsymystä. Kuitenkin väsymykseni on ollut aivan kohtuutonta ja tuntuu, että vaikka nukkuisin 12 tuntia yössä, olen silti väsynyt. Aloitin rautalääkityksen, koska minulla epäillään anemiaa. Anemia ei ole täysin tavatonta, vaan hyvinkin yleistä kasvissyöjien keskuudessa. Muutenkin paino on kuin huomaamatta tippunut alaspäin, vaikka olen pitänyt muutaman kuukauden taukoa treenaamisesta nimenomaan kiireiden takia.

pic: weheartit.com

Viikonloppuna hautasin kesän 2011 allasbileiden muodossa ja päätin tämän kesän yhtä railakkaasti kuin sen aloitinkin. Kesästä 2011 jäi käteen monta ihanaa muistoa ja ystäväpiirini kasvoi monella upealla persoonalla. Pettymyksiäkin kesään mahtui, mutta silti päälimmäisenä mieleeni ovat jääneet kaikki ne uskomattomat seikkailut ja upeat ihmiset. Kesä meni aika pitkälti töissä ja viikonloput vietin aina viihteen puolella. Nyt on aika toivottaa tervetulleeksi rauhallinen ja seesteinen syksy. Töissä pitäisi jaksaa vielä muutama kuukausi, sitten alkaa ensimmäinen kunnon lomani tänä vuonna ja tarkoituksena on järjestää pieni ulkomaanmatka valmistumiseni kunniaksi. Syysmyrskyjen lisäksi elämässäni puhaltavat uudet tuuleet ja niitä muutoksia on todellakin tulossa, aivan kuten aiemmin aavistelinkin. Pienin muutos on edessä jo perjantaina, jolloin istahdan pitkästä aikaa kampaajan tuoliin. Uudistuneesta ilmeestäni tulossa toki kuvia tänne.

Ja jotta tämä kirjoitus ei menisi pelkäksi jaaritteluksi, voisin päivitellä muutamat ostoksetkin, jotka ovat jääneet esittelemättä kaiken kiireen keskellä. Vaikka oma kesäni onkin jo virallisesti takanapäin, en ole muistanut esitellä sandaaleja, jotka saapuivat luokseni vielä kun mittari oli 30 astetta plussan puolella. Sandaaleja ehdin siis käyttää aika vähän, mutta ovatpahan odottamassa jo ensi kesän seikkailuja.


























Syksyä silmällä pitäen hankin myös täysin toisenlaiset kengät Nellyn alennusmyynnistä. Katselin näitä kenkiä varmaan jo vuosi sitten samaisella sivustolla, mutta yli 50 euron hinnan takia jätin ne aikoinaan tilaamatta. Nyt kengät olivat alennuksessa 15 euron hintaan ja vielä kun toimituskulut olivat ilmaiset, en miettinyt kahta kertaa. Kyseessä ovat siis mustat nilkkurit, joissa yksityiskohtana valkoinen nyöritys. Kengissä on myös huikeat korot, mutta ovat silti pikaisella kokeilulla hyvät jalassa. Eivät nämä silti pidemmille kävelylenkeille sovi, mutta lunastavat paikkansa varmasti klubi-illoissa.


























Samaan tilaukseen ujutin ovelasti myös uudet tekoripset, koska olen onnistunut tuhoamaan ennätysmäärän tekoripsiä lyhyen ajan sisällä. Mistähän voisi tilata isoja määriä tekoripsiä huokeaan hintaan?
























Kävin myös viimein tuhlaamassa viimeisetkin sentit joululahjaksi saamastani H&M:n lahjakortista. Rahaa oli jäljellä alle 10 euroa, joten mitään suuria ostoksia ei tullut tehtyä, enkä kyllä olisi mitään löytänytkään. Syksyn tarjonta on ollut mielestäni poikkeuksellisen kehnoa tänä vuonna, vaikka elättelen vielä toivoa mustien pitsimerien ilmaantumisesta vaatekauppoihin. H&M:n lastenosastolta (Heidi 25 vuotta) löysin mustavalkoisia rannekoruja ja nuorten puolelta ostin viimein nuo mustilla sydämillä koristellut sukkahousut. Onko joku muukin huomannut, että minulla on menossa mustavalkoinenkausi?


Vanhempani poikkesivat pikavisiitillä pääkaupunkiseudulla ja sain taas juosta pää kolmantena jalkana heidän kanssaan joka paikaan (aivan kuin töiden jälkeen ei olisi muutenkin väsynyt). Kerrankin kun oli auto käytössä, niin otin siitä kaiken hyödyn irti ja kävimme hakemassa ison säkin heinää karvalapsilleni (lue: kaneille ja marsuille). Samalla reissulla tuli tehtyä muutama löytökin.
Olen mieltynyt suuresti 80-lukuun ja vanhan koulukunnan goottityyliin. Nämä korvikset toivat minulle jostain syystä hyvin voimakkaasti mieleen 80-luvun kaikessa ihanuudessa ja kamaluudessaan, joten täysin tämän mielikuvan pohjalta ostin nämä massiiviset korvakorut. Täydelliset.


Lempiperheeni Addams Family:n dvd-boksi lähti mukaani Anttilan alennusmyynnistä edulliseen hintaan ja nyt tiedän keiden seurassa vietän pimenevät syysillat - punaviiniä ja kynttilöitä unohtamatta!


Tyylilleni aina yhtä uskollisena tulin taas hankkineeksi myös uudet ristikorvakorut. Aivan kuin minulla ei niitä olisi ennestään jo useampi pari, mutta ei nähtävästi koskaan liikaa.


Tämä postaus jää melko lyhyeksi ja uusia postauksia olisi jonossa vaikka millä mitalla, mutta aika ei vain riitä kaikkeen. Muutenkin elämässä saattaa olla tulossa niin suuria mullistuksia, että ne syövät jo nyt väistämättä kaiken energiani. Mutta älkää huoliko, blogi pysyy kyllä hengissä, vaikka vähän harvemmalla päivitystahdilla. Kunhan lomani alkaa niin voin taas uppoutua täysin harrastusteni pariin. Sitä odotellessa toivotan uudet lukijat lämpimästi tervetulleiksi, ihanaa syksyä kaikille tasapuolisesti ja menestystä uusien opiskelijoiden koulutielle!

Loppuun vielä yksi tämän hetken soitetuimpia kappaleita:

Sunday, August 21, 2011

கொத்து பரோட்டா- 22/08/11

ஜப்பானில் சுமார் 350 கோடி ரூபாய் பணம் மக்களிடையே கிடைத்திருக்கிறது. அதை பத்திரமாய் அவர்கள் போலீஸிடம் ஒப்படைத்திருக்கிறார்கள். எப்படி கிடைத்தது என்று கேட்கிறீர்களா? பூகம்பத்தின் போது பல லட்சம் பேர்களின் வீடுகள் நாசமடைந்து அழிந்து போனது. அதை சீரமைக்கும் போது அந்ததந்த வீடுகளில் கிடைத்த பணம் எல்லாவற்றையும் அந்நாட்டு மக்கள் போலீஸார் வசம் ஓப்படைத்தனர். இதைத் தவிர, நகைகள், விலையுர்ந்த பொருட்களும் உண்டு. விபத்தில் அடிபட்டு கிடக்கும் ஆட்களிடம் உயிரை காப்பாற்றுவதற்கு பதிலாய் அவர்களிடமிருக்கும் உடைமைகளை அள்ளிக் கொண்டு போகும் போலீசும், மக்களும் உள்ள நம் நாட்டில் இது ஒரு ஆச்சர்யமான, அதிசயமான விஷயமே.
###########################################


நேற்று முன் தினம் சென்னை “ழ” கபேயில் நேசமித்ரன், கார்திகை பாண்டியன், விதூஷ், கிருஷ்ணபிரபு போன்றவர்களின் பங்களிப்பில் உருவான காலாண்டு இதழான “வலசை”யின் அறிமுக கூட்டம் பதிவுலக நண்பர்களின் பங்கேற்றலுடன் நடைபெற்றது. தமிழ் பதிவுலகில் முக்கியமான அனைத்து நண்பர்களும், பஸ்ஸர்களும் கலந்து கொண்டு சிறப்பித்தார்கள். வழக்கமான இலக்கிய புத்தக வடிவில்லாமல் டெம்மி சைஸில் அமைத்திருந்தது ஆர்வத்தை தூண்டியது. நிறைய உலக இலக்கியம் படித்தவர்கள் மொழிபெயர்த்திருந்தார்கள். நமக்கும் இலக்கியத்திற்கு தூரம் அதிகமென்பதால் அட்டையை எட்டிப் பார்த்ததோடு சரி.. இன்னும் படிக்க ஆரம்பிக்கவில்லை. எட்டிப் பார்த்த கொஞ்ச நேரத்தில் நாக்கு சுளுக்கிக் கொண்டதால் மேற்கொண்டு பயணிக்க முடியவில்லை. நமக்கு குரும்பூர் குப்புசாமிதான் லாயக்கு. சிறந்த வாசிப்பாளிகளான, கார்த்திகை பாண்டியன், விதூஷ், தருமி, நேசமித்ரன், கிருஷ்ணபிரபு போன்றவர்களின் பங்கெடுத்துள்ள இந்த இதழ் முக்கியமாய் மொழிபெயர்ப்பு வாசிப்பாளர்களிடம் நல்ல இடத்தை பெறும் என்று தோன்றுகிறது. நம்ம மொழிபெயர்ப்பு எல்லாம் ரா.கி.ரங்கராஜனின் பட்டாம்பூச்சியுடனேயே.. நின்று விட்டதால் இது பற்றி மேலும் சொல்லும் ஒர்த் நமக்கில்லை. சந்திப்பில் வழக்கம் போல கருப்பட்டிக் காப்பி தூள் பரத்தியது. சந்திப்பின் முடிவில் நடந்த பாட்டுக் கச்சேரியும் சுவாரஸ்யம். எங்களுக்கு. கேட்டவங்களுக்கு எப்படின்னு யாருக்கு தெரியும்.
############################################
அன்னா ஹசாரேயின் உண்ணாவிரதத்துக்கு மக்களிடையே எப்படி இவ்வளவு ஆதரவு கிடைத்தது என்று யோசித்து ஒரு காரணத்தை சொல்லியிருக்கிறது காங்கிரஸ் அரசு. வெளிநாட்டு சதியாம். நண்பர் ஒருவர் சொன்னார் ஆமாம் சோனியா வெளிநாட்டுகாரங்க தானே என்று.
############################################
தத்துவம்
சில சமயம் நம் வாழ்க்கையின் அத்தனை கதவுகளும் மூடப் பட்டுவிட்டதாகவே தோன்றும். ஆனால் எல்லாம் மூடப்பட்ட கதவுகள் அடைக்கப்படுவதில்லை. கதவை மெல்ல அழுத்தித் திறக்கும் கைகளுக்காக காத்துக் கொண்டிருக்கிறது. கதவை திற காற்று நிச்சயமாய் வரும்.

அவனால் செய்ய முடியுமென்றால் உன்னாலும் நிச்சயமாய் செய்ய முடியும் - எவனாலும் செய்ய முடியாது என்றால் நிச்சயம் நீ செய்ய வேண்டும்.-ஜப்பானிய பழமொழி.

அவனால் செய்ய முடியுமென்றால், அவனே செய்யட்டும், யாராலும் செய்ய முடியாது என்றால் “ஆணியே புடுங்க வேண்டாம்” விட்டுருங்க.- நம்மூர் பழமொழி.

விவாதிப்பதை விட வளைந்து கொடுத்து போவது நல்லது.
அர்த்தமுள்ள மெளனம், அர்த்தமில்லாத வார்த்தையை விட சிறந்தது.
###########################################
ப்ளாஷ்பேக்
நம்ம ஊர் சத்யராஜுக்கு சரியான போட்டி கொடுக்ககூடிய ஆள் தெலுங்கு மோகன் பாபு. ஒரு சமயங்களில் இவர் சத்யராஜ் தமிழில் செய்த மலையாள படங்களின் ரீமேக்கை தெலுங்கில் செய்திருக்கிறார். சில தமிழ்படங்களில் கேனத்தனமான வில்லன் கேரக்டர்களில் நடித்திருந்தாலும் வெர்சடைலான நடிகர்களில் முக்கியமானவர். தெலுங்கில் இவரது டயலாக் டெலிவரிக்காகவே படம் பார்பவர்கள் அதிகம். அமைதிப் படை திரைப்படம் ஹிட்டானவுடன் எம்.தர்மராஜு.எம்.எல்.ஏ என்று தெலுங்கில் ரீமேக்கினார்கள். மிகப் பெரிய ஹிட். பாலக்கோலில் அந்தப்படத்தை தியேட்டரில் பார்த்த போது  இந்த பாடலுக்கு கிடைத்த ஆரவாரம் அபாரம். இந்த பாடல் எனக்கு ரொம்ப பிடிக்கும். எஸ்.பி.பி. ரொம்பவும் ரசித்து உற்சாகமாய் குரலில் நடித்து பாடியிருப்பார். எஸ்.பி.பியின் உற்சாக குரலுக்காகவே இப்பாட்டை விரும்புவீர்கள்.
############################################
புதிய தலைமை செயலகத்தை மருத்துவமனையாக்கும் திட்டத்தை அறிவித்ததும் யாருமே அதற்கு எதிர்ப்பு தெரிவிக்க முடியவில்லை.எல்லா எதிர்கட்சிகளும் அதை வரவேற்க வேண்டிய கட்டாயத்தில் வரவேற்று விட்டன. ஏன் திமுக தலைவரே வரவேற்று ”நான் வாழும் வீட்டையே எனக்கு பிறகு மக்களுக்கு மருத்துவமனைக்காக எழுதிக் கொடுத்திருக்கிறேன்.நான் கட்டிய கட்டிடத்தை மருத்துவமனையாக்குவதையா எதிர்ப்பேன்” என்று சொல்லும் அளவிற்கு நிலமை ஆகிவிட்டது. ஆனால் அக்கட்டிடத்தை மருத்துவமனை ஆக்குவதற்கு குறைந்த பட்சம் உடனடி தேவையாய் 60-70 கோடிகள் செலவு செய்யப் பட வேண்டும் என்றும், மருத்துவ கல்லூரி விஷயம் தனி என்று சொல்கிறார்கள். எது எப்படியோ சினிமா ஷூட்டிங்கிற்க்கு விடாமல் மக்களுக்கு உருப்படியாய் செய்ய திட்டம் போட்டதே பெரிய விஷயம்.நானும் பாராட்டுறேன்.ம்ஹும் வேற வழி. எய்ம்ஸ் மாதிரியாமில்ல.. 
###########################################

காமெடி
கார்க்கி, ஆதி, பரிசல் ஆகியோர் சேர்ந்து கலாய்த்திருக்கும் இந்த ரீமிக்ஸ் படம். செம காமெடி. தளபதி படத்திலிருந்து ஒரு முக்கிய காட்சியை கார்க்கி வசனமெழுதி, பேசி, ரீமிக்ஸ் செய்திருக்கிறார்கள். ஆரம்பம் முதலே லேசான புன்னகையை தவழ விடும் படம். மம்முட்டிக்கு ஆதியின் குரல் வந்தவுடன் நான் விழுந்து விழுந்து சிரிக்கலானேன். செம..காமெடி. கார்கியின் வசனங்கள்   படு சுவாரஸ்யம்.  நீங்களும் பார்த்து சிரியுங்கள்.

#############################################

என்னவோ தமிழ் சினிமா ஆட்சி மாறியவுடன் தேனும் பாலும் ஓடும் என்பது போல சொல்லிக் கொண்டிருந்தவர்கள் எல்லாம் என்ன செய்வது என்று தெரியாமல் தவித்துக் கொண்டிருக்கிறார்கள். ஆட்சி மாறி.. சமீபம் வரை தெய்வதிருமகளும், காஞ்சனாவும்தான் ஓடிய படங்களாய் இருக்கிறது மற்ற படங்கள் எல்லாம் போட்ட பணத்தில் போஸ்டர் ஒட்டிய காசு கூட வரவில்லை என்கிறார்கள். குறைந்த பட்ச முதலீட்டில் படம் எடுப்பவர்கள் எல்லாம் சாட்டிலைட் ரைட்ஸ் விற்று ஒரு முப்பது சதவிகித முதலீட்டை எடுத்துக் கொண்டிருந்தார்கள். இப்போது அதுவும் இல்லை. எல்லாம் படங்களையும் அடி மாட்டு ரேட்டுக்கு கேட்கிறார்கள். என்ன செய்வது என்று தெரியாமல் விழித்துக் கொண்டிருக்கிறார்கள் சிறு முதலீட்டு தயாரிப்பாளர்கள்.
###############################################
மை கார்னர்”ழ” கபேயில் நடந்த ஜுகல்பந்தியும், கச்சேரியும்.


##################################################
அடல்ட் கார்னர்
திருமணமான ஜோடி ஒன்று செக்சாலஜிஸ்ட் டாக்டரை பார்க்க போனார்கள். 
டாக்டர் பொண்டாட்டியிடம், 'உங்க பிரச்சனை என்ன?' என்று கேட்டார். 
பொண்டாட்டி, 'இவருக்கு செக்ஸ் பண்றப்போ எல்லாம் சீக்கிரமா விந்து வந்துடுது டாக்டர்..' என்று சொன்னாள். 
டாக்டர் புருஷனிடம், 'இது தான் உங்க பிரச்சனையா?' என்று கேட்டார். 
புருஷன், 'அது அவ பிரச்சனை டாக்டர்..எனக்கு எந்த பிரச்சனையும் இல்லை' என்று சொன்னான்.
சங்கர் நாராயண் @கேபிள் சங்கர்

Followers

Loading...

Blog Archive