Pages

slokez Apple, slokez Google, slokez Microsoft, slokez Bing, slokez alexa

Monday, December 6, 2010

கறை நல்லது.

விஜய் டிவியும் சர்ப் எக்ஸலும் சேர்ந்து ஒரு போட்டி வைத்திருந்தது. சர்ப் எக்ஸலின் கறை நல்லது என்கிற விளம்பரத்திற்கு ஏற்ப புது கான்ஸெப்ட் பள்ளி மாணவ மாணவியர்களிடமிருந்து வேண்டும் என்றும், அதில் தெரிந்தெடுக்கப்படும் கான்ஸெப்டுக்கு பரிசளிக்கப்படும் என்றும், மாணவ, மாணவியருக்கு ஆர்வமிருந்தால் அவர்களை வைத்தே நடிக்க வைப்பதாகவும் சொல்லியிருந்தார்கள்.

நான் கூட ஏதாவது யோசிச்சி பையன் பேர்ல அனுப்புவோமா என்று யோசித்துக் கொண்டிருந்த போது, சில பல வேளை பளுவால் மறந்துவிட்டேன். ஆறாவது படிக்கும் என் பெரிய மகன என்னிடம் வந்து “அப்பா.. கறை நல்லதுக்கு ஒரு கதை ரெடி பண்ணினேன்” என்றான்.  எங்கே சொல்லு என்று ஆர்வத்துடன் கேட்க ஆரம்பித்தேன்.

“ஒரு ஹஸ்பண்ட் அண்ட் வைப் இருக்கிறாங்க. அவங்க ரெண்டு பேருக்கும் சண்டை. வைஃப் ஷாப்பிங் போயிருக்காங்க. அவங்க வெளிய போறதுக்கு முன்னாடி ஒரு பேண்ட் சர்ட் அயர்ன் செய்து வைத்திருக்காங்க..  கணவன் கை தவறி காப்பியை அதன் மேல் கொட்டிவிட, பதறிப் போன கணவன், அய்யோ மனைவி வந்தா திட்டுவாளேன்னு உடனடியா அதை தண்ணில போட்டு, அலசி, தோய்ச்சி, ப்ரஷ் பண்ணி, ட்ரையரில் போட்டு காய வைத்து பார்த்தால் தண்ணில போட்டு அலசினதுல கறை சர்ட் பூராவும் ஒரு மாதிரி ஸ்பெரெட் ஆகிவிடுகிறது. அதை பார்த்துக் கொண்டேயிருக்கும் போது மனைவி வந்துவிட.. சட்டென அந்த ஷர்ட்டை பார்த்து உற்சாகமாகி.. அதில் இருக்கும் காபி டிசைன் பிடித்து போய் தனக்காக புது ச்ட்டை வாங்கியிருக்கிறான் என்று நினைத்து சந்தோசமாய் அணைத்து கொள்கிறாள். கறை நல்லது

எனக்கு ஆச்சர்யமாகிவிட்டது.. பள்ளிகளில் படிக்கும் சிறுவர்கள் எவ்வளவு யோசிக்கிறார்கள்?. இவர்கள் தான் நாளைய ரசிகர்கள் இவர்கள் இந்த வயதிலேயே இப்படி யோசித்தால் நாம் இவர்களை கட்டிப் போட எவ்வளவு யோசிக்க வேண்டும்..

இவன் கான்செப்ட் இப்படி என்றால்.. அவனுடய நண்பன் விஷ்ராந்த் என்பவன் சொன்ன கான்செப்ட் இன்னும் நன்றாக இருந்த்து. ஒரு பணக்கார பையன் எப்போதும் காரில் தான் போவானாம். ஏழைகள் என்றாலே எளப்பமாகத்தான் பார்ப்பானாம். ஒரு நாள் அவனது கார் ரிப்பேர் ஆகிவிட வேறு வழியில்லாமல் காரிலிருந்து இறங்கி நடக்கையில் மற்றொரு கார் சேரடித்துவிட, என்ன செய்வது என்று தெரியாமல் இருக்கும் போது அருகே இருக்கும் ஏழை சிறுவர்கள் அவனை அழைத்து தண்ணீர் கொடுத்து, பாத்ரூமை காட்டி அங்கே போய் கறையை கழுவிக் கொள்ளச் சொல்கிறார்கள். கறையை கழுவும் போது உணரும் அவன் வெளியே வரும் போது சிரித்த முகத்துடன் அந்த ஏழை பையன்களை அணைத்துக் கொள்கிறான். கறை நல்லது 

எனக்கு ரொம்ப பிடித்துப் போய் உடனடியாய் அதை எழுதி தருகிறேன் போய் கொடுங்கள் என்று சொன்னேன்.  இல்லப்பா அது ஞாயித்துக் கிழமையோட முடிஞ்சிருச்சுன்னு நேத்து பூரா மழை அதனால சொல்லலைன்னு சொன்னான். யாராவது டேட் எக்ஸ்டண்ட் ஆச்சுன்னா சொல்லுங்க… கொஞ்சம் விஷுவலாக வேலை பார்த்தால் நிச்சயம் நன்றாக வரும் என்று தோன்றுகிறது. நல்லாத்தான் யோசிக்கிறாங்க..
போஸ்டர் குறும்படம் பார்க்காதவர்களூக்கு
படத்தின் இயக்குனர் ஒரு பதிவரும் கூட, படத்தை பற்றி அவரது பதிவில்
@@@@@@@@@@@@@@@@@@@@@@@@@@@@@@@@@@@@@@@@@@@
கேபிள் சங்கர்

No comments:

Post a Comment

Followers

Blog Archive